بھٹکل:23/جولائی (ایس اؤنیوز)ملک کے جموں کشمیر میں تعینات بھارتی فو ج میں ملکی تحفظ کی خدمات انجام دے رہے مرڈیشور بیدرےمنے کے مکین ہنومنت نائک کی مرڈیشور لائنس کلب کی طرف سے تہنیت کرتے ہوئے ان کی عزت افزائی کی گئی ۔
گذشتہ 14سالوں سے ہندوستانی فوج میں مختلف مقامات پر اپنے فرائض کو انجام دینے والے ہنومنت نائک کے ساتھ لائنس کلب کے عہدیداران نے گفتگو کی ۔ تہنیت قبول کرنے کے بعد خطاب کرتے ہوئے ہنومنت نائک نےکہاکہ میری قسمت کہ مجھے اپنے دیش کی خدمت کرنے کا موقع ملا ہے۔ اور ملک کے نوجوانوں کو فوج میں بھرتی ہونے کے بے شمار مواقع میسر ہونے کی بات کہی۔ لائنس کلب ممبر سنیل جتن نے مہمان کاتعارف پیش کیا۔ لائنس کلب کے صدر منجوناتھ نائک، ایم وی ہیگڈے ، ڈاکٹر آئی آر بھٹ ، سبرائے نائک، سریش نائک، ڈاکٹر کنی، فلپ المیڑا، منجوناتھ دیواڑیگا وغیرہ موجود تھے۔