ایک ماہ سے منیپال اسپتال کے آئی سی یو میں زیر علاج نوزائیدہ بچہ کے لئے اہل خیر حضرات سے مالی تعاون کی اپیل
بھٹکل :23/ نومبر (ایس اؤنیوز)مرڈیشور غوثیہ محلے کا ایک نوزائیدہ بچہ پچھلے ایک ماہ سےسانس کی تکلیف (عمل تنفس)کی وجہ سے منی پال اسپتال کے آئی سی یو میں زیر علاج ہے ، ڈاکٹروں کاکہنا ہے کہ جب تک بچے کا عمل تنفس ٹھیک نہیں ہوجاتا اس کو I.C.Uمیں ہی رکھا جائے گا۔ جب کہ اسپتال کے اخراجات کافی زیادہ ہونے سے غریب سرپرست پریشان حال ہیں۔ انہوں نے باقاعدہ تحریری تصدیق نامے کے ساتھ مخیر حضرات سے مالی تعاون کی مدد مانگی ہے۔
بچے کے زیرعلاج ہونے اور ان کے سرپرستوں کے مدد کا مستحق ہونے کے تصدیق نامے ساحل آن لائن کے پاس موجود ہیں۔ مرڈیشور ناخدا محلہ کی ناخدا جماعت المسلمین مرڈیشور نے بھی تصدیق کی ہے کہ یہ خاندان مدد کا مستحق ہے ان کا مالی تعاون کیا جائے۔ بچے کے45سالہ والد ڈونا محمد انصار ماہی گیر بوٹ پر مزدوری کرتے ہیں جن کی 4اولاد ہیں ۔ ساحل آن لائن کی معرفت اہل خیر حضرات ان کی مدد کرسکتے ہیں۔ جو بھی مدد کرنا چاہتےہیں وہ ساحل آن لائن کے مینجر مبشرحسین ہلارے 9972818849 سے رابطہ کریں۔