بھٹکل:18/اگست (ایس اؤنیوز)چلتی کار اور موٹر بائک درمیان آپسی تصادم کے نتیجےمیں بائک سوارپولس کانسٹبل شدید زخمی ہوکر ہلاک ہونے کا واقعہ جمعرات کی رات 45-09کے قریب مرڈیشور ،گمن ہککل قومی شاہراہ پر پیش آیا ہے۔
مہلوک کی شناخت ہوناور پولس تھانہ کے پولس مرڈیشور موڈکیری کائی کنی کے مکین رام چندر کوپا نائک (30)بتائی گئی ہے۔ رام چندر گذشتہ 9 سالوں سے پولس محکمہ کے ہوناور پولس تھانے میں بطور پولس کانسٹبل خدمات انجام دے رہے تھے۔ موصولہ اطلاعات کے مطابق پچھلے مئی کے مہینے میں ان کی شادی ہوئی تھی۔ ہوناور میں اپنی ڈیوٹی انجام دینے کے بعد گھر لوٹنے کے دوران یہ حادثہ ہواہے۔ کار منگلورو سے ہبلی کی طرف روانہ ہونے کی ذرائع نے خبر دی ہے۔ ملزم کار ڈرائیور منگلورو ملکی کے مکین مجاہد النور کو پولس نےاپنی تحویل میں لیا ہے ۔ مرڈیشور پولس تھانہ میں کیس درج کرلینے کے بعد جانچ جاری ہے۔