مرڈیشور کی بیناوئیدیا ڈگری کالج یونیورسٹی کھیل مقابلوں میں رنراپ
بھٹکل:16/ اکتوبر (ایس اؤنیوز) آر این شٹی کھیل میدان میں کے جی ناڈگری فزیکل ایجوکیشن کالج کے زیر سرپرستی منعقد ہوئے کرناٹکا یونیورسٹی دھارواڑ کے اتھلیٹکس کھیل مقابلوں میں مرڈیشور کی بینا وئیدیا کامرس اینڈ سائنس کالج رنراپ کا مقام حاصل کیا ہے۔
کھیل مقابلوں میں کالج کے طلبہ شریک ہوکر مقام اور انعام حاصل کرنے کی تفصیلات کچھ اس طرح ہے۔ 100میٹر دوڑ میں بنیٹا ڈیسوزا دوم، 200میٹر دوڑ میں بنیٹا ڈیسوز ا اول مقام پاتے ہوئے انفرادی چمپئین شپ حاصل کی ہے۔ پول والٹ میں کلدیپ نائک 3.48میٹر اونچی چھلانگ لگا کر نیا ریکارڈ قائم کیا ہے۔ مکند دیواڑیگا کو پول والٹ میں دوم ملا ہے۔ 1500میٹر دوڑ میں موہنی نائک اول، 5000میٹر دوڑ میں دوم،400اور800میٹر دوڑ میں ناگ رتنا گونڈ دوم ، رمیا دیش بھنڈاری پیدل میں اول ، تیجسوینی دیش بھنڈاری ہیامر تھرو میں دوم، رکشھیتا نائک ہائی جمپ میں سوم ،شویجا موگیر 10000میٹر دوڑ میں سوم مقام حاصل کیاہے۔ 4x100رلے میں بنیٹا ڈیسوزا، ناگ رتنا گونڈ، نینا موگیر، تیجسوینی دیش بھنڈاری کی ٹیم اول، 4x400میں موہنی نائک، دیویا چتراپور، رمیا دیش بھنڈاری ، شویجا موگیر کی ٹیم اول مقام پایا ہے۔ کھیل مقابلوں میں جیت حاصل کئے کھلاڑیوں کو انتظامیہ کے صدر منکال وئیدیا ، ڈائرکٹر پشپ لتا، ڈگری کالج کے پرنسپال پرساد مہالے ، فزیکل ٹیچر کرشنپا نائک اور لکچررحضرات نے مبارکبادی پیش کی ہے۔