منڈگوڈ:بی جے پی پریورتن اجلاس کے دوران جیب کتروں نے دکھائی ہاتھ کی صفائی۔ایک کارکن کی جیب سے اڑائے ایک لاکھ روپے!
منڈگوڈ18؍نومبر(ایس او نیوز) منڈگوڈ شہر میں منعقدہ بی جے پی اجلاس کے دوران جیب کتروں نے اپنے ہاتھ کی صفائی دکھائی اور اجلاس میں شریک ایک کارکن کی جیب سے ایک لاکھ روپے اڑانے میں کامیاب ہوگئے۔
بی جے پی کی طرف سے چلائی جارہی پریورتن یاترا کے سلسلے میں منعقدہ جلسے میں شریک ہوکر اپنی رقم سے ہاتھ دھو بیٹھنے والے شخص کا نام منجو ناتھ بتایا جاتا ہے۔ رپورٹ کے مطابق مذکورہ کارکن جب بی جے پی چیف یڈی یورپا کے فوٹو نکالنے میں مگن تھا تو اس وقت چوروں نے اس کی جیب صاف کردی۔منڈگوڈ پولیس اسٹیشن میں معاملہ درج کرلیا گیا ہے۔