منڈگوڈ  :4/ اگست (ایس اؤ نیوز)   حکومت کی طرف سے آنگن واڑی بچوں کے لئے مہیا کردہ اناج کو غیر قانونی طورپر ٹاٹاایس کے ذریعے سپلائی کئے جانےکی مصدقہ خبر پر کارروائی کرتے ہوئے پولس نے سواری سمیت اناج  وغیرہ کو ضبط کرلینے کا واقعہ منڈگوڈ کے سنولی نامی دیہات میں پیش آیا ہے۔

تعلقہ کے سنولی دیہات کی آنگن واڑی مرکز  میں بچوں کے لئے فراہم کردہ اناج کو غیر قانونی طورپر تین تھیلوں میں بھر کر ٹاٹا ایس کے ذریعے سپلائی کئے جانےپر شبہ کرتے ہوئے دیہی عوام نے منڈگوڈ پولس کو اطلاع دی۔ پولس شہر میں سواری کو روک کر تلاشی لی تو تھیلوں میں گوڈ، مونگ ، دودھ کی پاکٹ اور تیل کا پتہ چلاتو پولس نے ڈرائیو ر اور سواری کو اپنی تحویل میں لیا۔ اس سلسلے میں دیہی عوام جب پولس تھانے میں کیس درج کرنے کے لئے آگے بڑھے تو پولس نے  متعلقہ محکمہ جات کے افسران کی طرف سے اناج اپنے محکمہ کا ہونے کے متعلق  تحریری شکایت ضروری ہونے کی بات کہی۔

معاملے کو لے کر تعلقہ پنچایت افسر کو پولس تھانہ بلا بھیجا گیا لیکن افسر نے اعلیٰ افسران سے بات کرنے کے بعد شکایت درج کرنے کی بات کہہ کر چلے گئے۔آنگن واڑی کے  غذائی اشیاء کو ضبط کرکے پولس تھانے میں رکھے جانے کے باوجود رات 8بجے تک متعلقہ محکمہ کی  غفلت پر عوام نے سخت برہمی کااظہار کیا۔ ذرائع کے مطابق یہ انا ج آنگن واڑی کی کارکن کے بھائی اور شوہر کی طرف عوام نے اشارہ کرتے ہوئے محکمہ کی طرف سے کڑی کارروائی کا مطالبہ کیا ہے۔