منڈگوڈ:10/ اکتوبر (ایس اؤنیوز)8ستمبر کو اندور دیہات کے ایک گھر سے سونے کے زیورات چوری کئے ملزم کو پولس نے گرفتارکرتے ہوئے عدالت میں پیش کیا جہاں اس کو عدالتی تحویل میں بھیج دیاگیا ہے۔ گرفتارشدہ ملزم کی شناخت اندور دیہات کا سہدیوملپا مُدِّنکوپا(23) بتائی گئی ہے۔
8ستمبر کو اندور دیہات کے شیویا سرگیمٹھ (32)کے گھر میں کوئی موجود نہیں تھا تو اس کا فائد ہ اٹھاتے ہوئے ملزم نے گھر کی کھپریل نکال کر گھر میں موجود 41گرام وزنی سونے کے زیورات چوری کیا تھا، جس کی مالیت 99ہزار روپئے بتائی گئی ہے۔ معاملے کو لے کر خاندان والوں نے پولس تھانے میں شکایت درج کی تھی ۔ شکایت پر کارروائی کرتے ہوئے سی پی آئی کرن کمار نایک ، پی ایس آئی ایل ایم نائک اور پولس عملہ اشوک راتھوڑ، جعفر ادرگونچی، شیوراج ایس، انورخان، نے ملزم کو تلاش کرتے ہوئے سہدیو نامی ملزم کو گرفتارکیاہے۔ ملزم سہدیو سے ہوئی پوچھ تاچھ کے دوران پتہ چلا کہ چوری کئے زیورات بینک میں رہن رکھے گئے ہیں۔ ملزم کے ساتھ زیورات کو ضبط کرتے ہوئے پولس جانچ کررہی ہے۔