ممبئی، 18 فروری(ایس او نیوز؍آئی این ایس انڈیا) ایک کالونی کے لڑکے تب چونک گئے جب انہیں اپنے ارد گرد کے وائی فائی لاگ ان میں لشکر طالبان کا نام نظر آیا، وہ سب اس بات سے گھبرا گئے۔ اس کی معلومات انہوں نے پولیس کو دی۔ معاملہ کی معلومات پر خود پولیس بھی چونک گئی۔ واقعہ مہاراشٹر میں کلیان علاقے کی ہے۔مہاراشٹر میں تھانے ضلع کے کلیان علاقے میں کھڑکپاڑا علاقے کے لوگ اس وقت ششد ررہ گئے جب وہاں کے وائی فائی نیٹ ورک میں لشکر طالبان نظر آیا۔ یہ نام اس وقت نظر آتا تھا جب کوئی وائی فائی لاگ ان کے سرچنگ میں جاتا تھا، سیکورٹی کے نقطہ نظر سے امرت ہیون ہاؤسنگ کمپلیکس کے رہنے والوں نے سوشل میڈیا گروپ پر میسج بھیجا، اس پر کالونی کے لوگوں نے اس معاملے پر میٹنگ کی اور اس معاملے کو کھڑکپاڈا پولیس اسٹیشن لے گئے۔کالونی کے ونانک ایر اور ان کے ساتھیوں نے بتایا کہ جب وہ اپنے موبائل نیٹ ورک کو وائی فائی کے لئے سرچنگ میں ڈالتے تھے تو اس میں لشکر طالبان کا نام نظر آتا تھا، ہمیں پتہ تھا کہ کسی نے یہ نام رکھا ہوگا لیکن ہم اپنے کمپلیکس میں کوئی چانس نہیں لینا چاہتے تھے، اس کی وجہ سے ہم پولیس اسٹیشن پہنچے۔انہوں نے مزید کہا کہ پولیس اس پر فوری طور پر فعال ہو گئی اور اس لاگ ان کے بارے میں پتہ لگایا، جانچ میں پتہ چلا کہ پڑوس کے کمپلیکس میں یہ وائی فائی نیٹ ورک کام کر رہا تھا، اس بات کا پتہ چلتے ہی فلیٹ کے مالک اور اس کے بیٹے کو پولیس اٹھا کر لے گئی۔ پولیس اسٹیشن میں فلیٹ مالک کے بیٹے نے تسلیم کیا کہ اس نے ہی اپنے وائی فائی لاگ ان کا نام دہشت گرد تنظیم کے نام پر رکھا تھا۔پولیس نے اس معاملے میں بتایا کہ ہم نے جب لڑکے کے اس کے بارے میں سوال کیا تو لڑکے نے جواب دیتے ہوئے کہا کہ کچھ انوکھا کرنے کے لئے اس نے ایسا کیا، ہم نے اسے سمجھایا کہ ایسا نام کوئی استعمال نہیں کر سکتا تو اس نے کہا کہ میں نام چینج کر دوں گا۔