ممبئی داعش معاملہ ’ دوسرے سرکاری گواہ نے این آئی اے کی ہدایتوں کے مطابق گواہی دینے کا اعتراف کیا

Source: S.O. News Service | By S O News | Published on 15th October 2018, 11:23 PM | ملکی خبریں |

ممبئی۱۵؍ اکتوبر(پریس ریلیز/ایس او نیوز)ممنو ع تنظیم داعش کے رکن ہونے کے الزامات کے تحت گرفتار ملزمین محسن شیخ اور رضوان احمد کے مقدمہ کی سماعت کے وقت خصوصی عدالت میں دوسرے سرکاری گواہ کی گواہی عمل میں آئی جس کے دوران اس نے دفاعی وکلاء کی جرح میں اس بات کا اعتراف کیا کہ گواہی دینے آنے سے ایک دن این آئی اے کے ایک افسر نے اس سے رابطہ قائم کرکے عدالت میں کس طرح گواہی دیناہے اور دفاعی وکلاء کے سوالات کا کیا جواب دینا ہے کے تعلق سے اسے ہدایتیں دی تھی۔ سرکاری گواہ آج ملزم کو کمرہ عدالت میں پہچاننے میں ناکام رہا ۔


ملزمین کو قانونی امداد فراہم کرنے والی تنظیم جمعیۃ علماء مہاراشٹر (ارشد مدنی) قانونی امداد کمیٹی کے وکلاء عبدالواہاب خان اور شریف شیخ نے جرح کرتے ہوئے عدالت کی توجہ مہاراشٹر انسداد دہشت گرد دستہ (اے ٹی ایس) اور قومی تفتیشی ایجنسی NIA کے ذریعہ درج کیئے گئے بیانات میں تضاد کی جانب مبذول کراتے ہوئے عدالت کو یہ بتانے کی کوشش کی کہ تحقیقاتی دستوں نے فرضی بیان مرتب کیا ہے اور گواہ نے جو باتیں انہیں بتایا تھا اس کے متضاد باتیں بیان میں درج کی گئی ہیں۔


خصوصی این آئی اے عدالت کے جج سمیر اڑکر کے روبرو وکیل استغاثہ پرکاش شیٹی نے دوسے سرکاری گواہ سے سوالات کیئے جس کے بعد دفاعی وکلاء نے اس سے جرح کی۔


سرکاری گواہ سے فریقین کی جرح کے بعد عدالت نے کارروائی۲۲؍ اکتوبر تک ملتوی کیئے جانے کے احکامات جاری کیئے۔


واضح رہے کہ ممبئی کے مضافات ملاڈ مالونی سے تعلق رکھنے والئے محسن شیخ اور اتر پردیش کے شہر گورکھپور کے مکین رضوان احمد کو ممبئی اے ٹی ایس نے داعش کے ہم خیال اور رکن ہونے کے الزامات کے تحت گرفتار کیا تھا اور ان پر ملک دشمنی سمیت دیگر سخت دفعات عائد کیئے تھے ۔ مرکزی حکومت کے حکم، نامہ کے مطابق گذشتہ سال اس مقدمہ کو اے ٹی ایس سے لیکر این آئی اے کے حوالے کردیا گیا تھا جس کے بعد سے اس کی سماعت خصوصی این آئی اے عدالت کررہی ہے۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...