ممبئی : کثیر المنزلہ عمارت میں لگی آگ، ایک کی موت، 19دیگر شدید زخمی
ممبئی ،02؍ دسمبر (ایس او نیوز؍آئی این ایس انڈیا) ممبئی کی ایک کثیر المنزلہ عمارت میں آگ لگنے سے ایک خاتون کی موت ہو گئی جبکہ 19 دیگرافراد شدید جھلس گئے ہیں۔واقعہ اتوار کی صبح پیش آیا ۔پولیس نے تمام زخمیوں کو قریبی اسپتال میں داخل کرا دیا ہے۔اس واقعہ میں ایک 70 سالہ خاتون کی موت ہوئی ہے۔
واقعہ کی اطلاع ملنے کے بعد فائربریگیڈیئرکی گاڑی قابو پانے کی کوشش میں مصروف ہیں۔پولیس کے مطابق واقعہ 18 منزلہ عمارت اشوکا سمراٹ کا ہے۔اتوار کی صبح عمارت کی تیسری منزل پر آگ کے شعلوں کو دیکھا گیا۔اس کے بعد آگ فلور کے دیگر فلیٹ تک پہنچ گیا۔
واقعہ کی اطلاع ملنے کے بعد فائربریگیڈیئرکے محکمے اور پولیس نے عمارت میں پھنسے ہوئے 50 سے زیادہ لوگوں کو محفوظ نکالا ۔ ایک سینئر افسر کے مطابق آگ کی وجہ سے کل 96 لوگ پھنسے ہوئے تھے۔ فائربریگیڈیئرکے محکمہ نے پھنسے ہوئے لوگوں کو نکالنے کے لئے صبح تقریبا تین بجے ریسکیو آپریشن کی شروعات کی۔اس کے بعد لوگوں کو عمارت سے باہر نکالا گیا۔نکالے گئے تمام لوگوں کو فوری طور پر قریبی اسپتال پہنچایا گیا جہاں ایک بزرگ خاتون جس کی شناخت لکشمی کے طور پر کی گئی اسے مردہ قرار دے دیا گیا۔جبکہ 77 لوگوں کو ابتدائی طبی امداد کے بعد رخصت کر دیا گیا۔
وہیں اب بھی 19 لوگوں کو اسپتال میں داخل کر دیا گیا ہے۔بتا دیں کہ گزشتہ چند ماہ میں ممبئی میں اس طرح کا یہ کوئی پہلا واقعہ نہیں ہے۔اس سے پہلے ممبئی کے اندھیری مضافات میں ویرا دیسائی روڈ پر واقع ایک کثیر المنزلہ عمارت میں آگ لگنے سے دو افراد کی موت ہو گئی تھی۔