حضرت مولانامفتی عبد القیوم رائے پوری کا انتقال

Source: S.O. News Service | By Shahid Mukhtesar | Published on 14th February 2018, 1:18 PM | ملکی خبریں | ان خبروں کو پڑھنا مت بھولئے |

دیو بندر؍سہارنپور13؍فروری(ایس او نیوز؍ایجنسی)خانقاہ  رائے پور کی عالمی شہرت یافتہ شخصیت حضرت مولانامفتی عبد القیوم رائے پوری کا آج صبح یہاں طول علالت کے بعدانتقال ہوگیا۔ وہ طویل عرصہ سے صاحب فراش تھے۔ ان کی عمر تقریباً 85سال تھی۔ان کے پسماندگان میں دو لڑکیاں ہیں۔ ان کی اہلیہ کا انتقال پہلے ہی ہوچکا ہے۔وہ رائے پور کے ہی رہنے والے تھے اور ان کی فراغت مدرسہ مظاہرہ علوم سہارنپور سے ہوئی تھی۔ فراغت کے بعد وہ وہیں مدرس ہوگئے اور علیا درجے کے استاذ تھے۔ مدرسہ مظاہر علوم کی تقسیم کے بعد انہوں نے دونوں کے ساتھ رہنا گوارہ نہیں کیا اور رائے پور منتقل ہوگئے۔ خانقاہ میں درس و تدریس اور تزکیہ نفس میں مشغول ہوگئے۔

مولانا طویل عرصہ سے صاحب فراش تھے اور کسی سے بات چیت نہیں کرتے تھے بلکہ خاموش رہتے تھے۔ ان کے متوسلین اور خانقاہ سے فیض یافتگاہ پوری دنیا میں پھیلے ہوئے ہیں۔ انھوں نے شہر کی تگ و دواور زمانے کے نیرنگیوں سے دور رہ کر ایک پسماندہ گاؤں میں بیٹھ کر جس طرح خلق خدا کے قلب و باطن کی صفائی اوران کے تزکیہ کا دینی فریضہ انجام دیاہے، وہ ہندستان اور بر صغیر کی اسلامی تاریخ کے صفحات پر تا دیر ثبت رہے گا۔ان کی سوانح پر کئی کتائیں لکھی گئی ہیں۔

ایک نظر اس پر بھی

سونیا، راہل، مکھرجی، منموہن نے راجیو گاندھی کو خراج عقیدت پیش کیا

سابق وزیر اعظم راجیو گاندھی کی 27 ویں برسی پر سابق صدر پرنب مکھرجی، سابق وزیر اعظم منموہن سنگھ، کانگریس کی سینئر لیڈر سونیا گاندھی، پارٹی صدر راہل گاندھی اور ان کی بہن پرینکا گاندھی نے آج انہیں خراج عقیدت پیش کیا ہے ۔

ڈیزل-پیٹرول کی قیمتیں اب تک کی سب سے زیادہ

ڈیزل اور پیٹرول کی لگاتار قیمتیں بڑھ رہی ہیں اور اب وہ اب تک کی سب سے زیادہ ہو چکی ہیں۔ کانگریس نے ڈیزل اور پٹرول کی قیمت پانچ سال میں سب سے اونچی سطح تک پہنچنے پر تشویش ظاہر کرتے ہوئے کہا کہ مودی حکومت کو ایندھن سے ہونے والی کمائی کا استعمال الیکشن جیتنے اور حکومتیں بنانے کے ...