مہندر سنگھ دھونی کا 300واں ون ڈے میچ ;ہندوستان کی نظر مسلسل چوتھی جیت درج کرنے پر،سری لنکا کے خلاف چوتھا ون ڈے میچ آج

Source: S.O. News Service | Published on 30th August 2017, 7:58 PM | اسپورٹس |

کولمبو،30اگست(ایس او نیوز؍آئی این ایس انڈیا)سری لنکا کے خلاف چوتھے ون ڈے کرکٹ میچ میں کل ہندوستانی ٹیم مسلسل چوتھی جیت درج کرنے کے ارادے سے اترے گی تو سب کی نظریں مہندر سنگھ دھونی پر لگی ہوں گی جو اس فارمیٹ میں 300واں میچ کھیلیں گے۔پورا امکان ہے کہ سابق ہندوستانی کپتان دھونی شانداراننگ کھیل کر اس میچ کو یادگار بنادیں کیوں کہ سارے میچ اب تک یکطرفہ رہے ہیں۔ون ڈے کرکٹ میں دنیا کے بہترین فنشروں میں سے ایک دھونی سے زیادہ ون ڈے صرف سچن تندولکر( (463، راہل دراوڑ ((344)، محمد اظہر الدین( (334، سوربھ گانگولی( (311اور یوراج سنگھ ((304نے کھیلے ہیں۔
دھونی نے آخری میچ میں بہترین بلے بازی کی تھی ،وہ اس لے کو برقرار رکھنا چاہیں گے۔انہوں نے دباؤ کے حالات میں 45اور 67رنز کی اننگز کھیلی جس سے ثابت ہوتا ہے کہ اب بھی ان کے اندرونی کرکٹ باقی ہے اور ان کی نظریں 2019ورلڈ کپ پر لگی ہیں۔عالمی معیارکے فنشر نے روہت شرما اور بھونیشور کمار جیسے کھلاڑیوں کے ساتھی کا کردار ادا کر کے دھونی نے اپنے کھیل کو نیا طول و عرض دیا ہے۔
وراٹ کوہلی کا اگلا ہدف بنچ سٹریتھ کو موقع دیناہو گا جن میں کلدیپ یادو، منیش پانڈے، اجنکیا رہانے اور شردل ٹھاکر شامل ہے۔کوہلی بھی مسلسل اچھامظاہرہ نہیں کرسکے ہیں۔وہیں چوتھے نمبرپرکے ایل راہل بھی اچھی اننگ کھیلنا چاہیں گے۔مسلسل دو میچوں میں کھاتہ کھولنے میں ناکام رہے کیداجادھوپربھی دباؤ ہوگا۔وہ دھنن جے کی گیندوں کو سمجھنے میں ناکام رہے۔انہوں نے پہلے میچ میں گگلی پرچوکے ا اور دوسرے میچ میں سوئپ شاٹ کھیلتے ہوئے گیند کی لمبائی نہیں بھانپ سکے۔یہ دیکھناہوگاکہ کیا ٹیم انتظامیہ جادھو کی جگہ پانڈیاکوموقع دیتی ہے۔جادھوسے فائدہ ان کی بالنگ کاہے۔
تیز گیند باز ٹھاکر نے نیٹ پر اچھی کارکردگی کی ہے لیکن بھونیشور کمار اور جسپریت بمراہ تین ہی میچ کھیلے ہیں اور آرام نہیں چاہیں گے۔کوہلی نے اشارہ کیا ہے کہ وہ کھلاڑیوں کو روٹیٹ کرنا چاہتے ہیں اورایسے میں چائنامین کلدپ یادو کو موقع مل سکتاہے۔ایسے میں اکشر پٹیل یایجویندرچہل کوباہر رہنا ہوگا۔
دوسری طرف سری لنکا کو اپنی بہترین ٹیم اتارنامشکل ہوگیا ہے۔سنت جے سوریہ کی سربراہی میں انتخابی کمیٹی نے استعفی دے دیا ہے، جسے سری لنکا کرکٹ نے قبول کیا ہے۔وہ سیریز کے اختتام تک عہدے پربنے رہیں گے۔آخری ون ڈے میں انگوٹھے میں فریکچر کی وجہ سے ڈینش چنڈیمل سیریز سے باہر ہیں۔وہیں نگران کپتان چمارا کپگڈرا چوٹ کی وجہ سے آگے نہیں کھیل سکیں گے۔لستھ ملنگا چوتھے ون ڈے میں کپتانی کریں گے جبکہ معطل کپتان اپل تھرنگا پانچویں ون ڈے اور6 ستمبرکوہونے والے ٹی 20میچ میں کمان سنبھالیں گے۔


 

ایک نظر اس پر بھی

حیدرآباد نے آئی پی ایل کا سب سے بڑا اسکور بنایا ، ممبئی کو 31 رنز سے دی بری طرح شکست

آئی پی ایل 2024 کے 8ویں میچ میں سن رائزرز حیدرآباد نے ممبئی انڈینز کو 31 رنز سے شکست دے دی۔ میچ میں حیدرآباد نے پہلے بیٹنگ کرتے ہوئے مقررہ 20 اوورز میں 3 وکٹوں پر 277 رنز بنائے۔ جواب میں ممبئی کی ٹیم 20 اوورز میں 246/5 ​​رنز ہی بنا سکی۔ تلک ورما نے ممبئی کے لیے کافی دیر کوشش کی اور 64 رنز کی ...

آئی پی ایل 2024: دفاعی چمپئن چنئی نے جیت کے ساتھ کیا آغاز، بنگلورو کو 6 وکٹ سے ملی شکست

آج آئی پی ایل 2024 کا پہلا میچ دفاعی چمپئن چنئی سپرکنگز (سی ایس کے) اور رائل چیلنجرس بنگلور (آر سی بی) کے درمیان کھیلا گیا جس میں چنئی کو 6 وکٹ سے جیت ہاتھ لگی ہے۔ بنگلورو نے چنئی کے سامنے جیت کے لیے 174 رنوں کا ہدف رکھا تھا جسے اس نے 18.4 اوورس میں محض 4 وکٹ کے نقصان پر حاصل کر لیا۔ اس ...

ہندوستان نے پانچویں ٹیسٹ میں انگلینڈ کو اننگ اور 64 رن سے شکست ، سیریز پر 4-1 سے قبضہ

دھرم شالہ میں کھیلے جا رہے پانچویں ٹیسٹ میچ میں ہندوستان نے انگلینڈ کو اننگز اور 64 رنز سےشکست دی  ہے۔ اس طرح ہندوستان نے سیریز 4-1 سے جیت لی۔ ہندوستانی ٹیم نے میچ کے تیسرے دن انگلینڈ کو بڑی شکست دی۔ انگلینڈ کی ٹیم دوسری اننگز میں بھی بری طرح لڑکھڑا گئی۔ صرف جو روٹ ہی بلے سے کچھ ...

ہندوستان نے دوسرے ٹیسٹ میں انگلینڈ کو 106 رنوں سے دی شکست، سیریز 1-1 سے برابر

) ہندوستان نے پہلے ٹیسٹ میچ میں انگلینڈ سے ملی شکست کا بدلہ آج وشاکھاٹنم میں لے کر سیریز کو 1-1 سے برابر کر دیا ہے۔ 5 ٹیسٹ میچوں کی سیریز کا دوسرا ٹیسٹ ہندوستان نے 106 رنوں سے جیت لیا ہے۔ اس جیت کے ہیرو پلیئر آف دی میچ جسپریت بمراہ رہے جنھوں نے دونوں اننگ میں مجموعی طور پر 9 ...

کیپ ٹاؤن میں ہندوستان کی جنوبی افریقہ پر تاریخی فتح، میچ دوسرے ہی دن ختم، ٹیسٹ سیریز 1-1 سے برابر

ہندوستانی مینس کرکٹ ٹیم نے 2024 کا آغاز ایک شاندار اور ریکارڈ ساز جیت کے ساتھ کیا ہے۔ کیپ ٹاؤن کے نیولینڈس میں 3 جنوری سے شروع ہوا ٹیسٹ میچ 4 جنوری یعنی دوسرے دن ہی ختم ہو گیا۔ ہندوستان کو جیت کے لیے دوسری اننگ میں 79 رنوں کا ہدف ملا تھا جسے روہت بریگیڈ نے محض 3 وکٹ کے نقصان پر حاصل ...

جنوبی آفریقہ نے پہلے ٹیسٹ میں انڈیا کو دی ایک اننگ اور 32 رنوں سے شکست

جنوبی افریقہ کے خلاف دو ٹیسٹ میچوں کی سیریز کا پہلا ٹیسٹ ہندوستانی ٹیم ایک اننگ اور 32 رنوں سے ہار گئی ہے۔ اس شرمناک شکست کا ذمہ دار ہندوستانی بلے باز اور گیندبازوں دونوں رہے، کیونکہ پہلی اننگ میں کسی طرح 245 رن کا اسکور بنانے کے بعد ہندوستانی ٹیم دوسری اننگ میں محض 131 رنوں پر ...