جبل پور میں مورتی وسرجن کے دوران تصادم10پولیس اہلکار زخمی

Source: S.O. News Service | By Shahid Mukhtesar | Published on 24th October 2018, 11:51 AM | ملکی خبریں | ان خبروں کو پڑھنا مت بھولئے |

جبل پور24؍اکتوبر (ایس او نیوز؍یو این آئی) مدھیہ پردیش کے ضلع جبلپور میں آج مورتی وسرجن کے سلسلے میں منتظم کمیٹی کے ممبران اور پولیس انتظامیہ کے درمیان تصادم ہوگیا۔مقامی منت والی کالی ماتا کانرمدا ندی میں وسرجن کرنے سے روکے جانے پر کمیٹی کے ممبران اور پولیس اہلکاروں کے مابین پرتشدد تصادم ہوگیا۔ مشتعل ہجوم نے پولیس کی گاڑیوں میں توڑ پھوڑ کی اور دو پہیہ گاڑیوں کو آگ لگانے کی کوشش کی۔حالات قابو میں کرنے کے لئے پولیس کو لاٹھی چارج کے ساتھ آنسو گیس کے گولے چھوڑنے پڑے ۔ تنازع کی صورتحال کے بعد پولیس اہلکاروں نے مورتی اپنے قبضے میں لیکر تالاب میں وسرجن کرایا۔پولیس سپرنٹنڈنٹ امت سنگھ نے بتایا کہ پولیس نے 40 سے زائد لوگوں کو تحویل میں لیا ہے ۔ اس واقعہ میں 10 پولیس اہلکار زخمی ہوئے ہیں۔ علاقے میں بڑی تعداد میں پولیس فورس تعینات ہے ۔

پولیس نے دعویٰ کیا ہے کہ سبھی فسادی شراب کے نشے میں دھت تھے ۔مقامی لٹکاری کے پراؤ میں رکھی جانے والی کالی ماتا کی مورتی شہر میں منت والی کالی ماتا کے نام سے مشہور ہے ۔ اس مورتی کا ہر سال گواری گھاٹ پر وسرجن کیا جاتا ہے ۔ تقریباً 8 کلومیٹر کی دوری طے کرنے میں وسرجن کے جلوس کو تقریباً 16 گھنٹے کا وقت لگتا ہے ۔ کل دوپہر یہ جلوس شروع ہواتھا، جو آج صبح گواری گھاٹ پہنچا۔پولیس ذرائع کے مطابق ندی میں مورتی کے وسرجن کو روکنے کے لئے پولیس نے بیریکیٹ اور جے بی سی مشین لگاکر نرمدا روڈ بند کردیا تھا۔ سکیورٹی پر تعینات پولیس اہلکاروں نے تالاب میں مورتی وسرجن کرنے کی بات کہی لیکن کمیٹی کے ممبر مورتی کا ندی میں وسرجن کرنے پر بضد تھے ۔ اس دوران دونوں جانب دھکا مکی شروع ہوگئی۔

ایک نظر اس پر بھی

اعظم خان کے سامنے بی جے پی کا کوئی بھی ہتھکنڈہ کارگر نہیں ہوگا: مایاوتی

اترپردیش کے رامپور پارلیمانی سیٹ سے سماجوادی کے قدآور لیڈر و پارٹی امیدوار اعظم خان کی حمایت میں ووٹروں سے ووٹ کرنے کی اپیل کرتی ہوئیں بی ایس پی سپریمو مایاوتی نے کہا کہ مرکز میں برسراقتدار پارٹی لاکھ ہتھکنڈے اپنائے لیکن رامپور سے اتحاد کے امیدوار اعظم خان کی جیت یقینی ہے۔

مودی چنندہ صنعت کاروں کے چوکیدار، عوام دوسرا موقع نہیں دے گی: راہل گاندھی

کانگریس صدر راہل گاندھی نے آج کہاکہ ملک کی چوکیداری کرنے کا دعویٰ کرنے والے وزیراعظم نریندر مودی حقیقت میں انیل امبانی سمیت کچھ چنندہ صنعت کاروں کے چوکیدار ہیں اس لئے عوام نے انہیں ڈیوٹی سے ہٹانے کا من بنا لیا ہے۔

فلم کے بعد پی ایم مودی پربنی ویب سیریز کے نشریات پربھی الیکشن کمیشن نے لگائی روک

وزیر اعظم نریندر مودی کے ساتھ منسلک ایک ویب سیریز کو الیکشن کمیشن کی جانب سے جھٹکا لگا ہے۔دراصل الیکشن کمیشن نے اس ویب سیریز کو ریلیز کر رہے پلیٹ فارمس ارس ناؤ کو نوٹس جاری کر اسے فوری اثر سے ہٹانے کا حکم دیا ہے۔

لوک سبھا انتخابات: اُترکنڑا ڈپٹی کمشنر نے کمٹہ اوربھٹکل میں پارلیمانی انتخابات کی تیاریوں کا لیا جائزہ

ڈپٹی کمشنر ڈاکٹر ہریش کمار نے ضلع شمالی کینرا کے حلقے میں واقع کمٹہ اور بھٹکل شہروں میں پارلیمانی الیکشن کے لئے انتظامیہ کی طرف سے کی گئی حتمی تیاریوں کا معائنہ کیا۔

دو مراحل میں ایس پی۔بی ایس پی اور کانگریس ’ صفر‘: یوگی

اتر پردیش کے وزیر یوگی آدتیہ ناتھ نے جمعہ کو کہا کہ لوک سبھا انتخابات کے لئے ووٹنگ کے اختتام پذیر ہو چکے دو مراحل میں ایس پی، بی ایس پی اور کانگریس ’ صفر‘ رہی ہیں۔ یوگی نے سنبھل میں ایک جلسہ عام میں کہا کہ ووٹنگ کے دو مرحلے ہو چکے ہیں۔ بی جے پی کو سب سے زیادہ ووٹ ملے ہیں۔ انہوں نے ...

لوک سبھا انتخابات: کیا اُترکنڑا میں انکم ٹیکس کے مزید چھاپے پڑنے والے ہیں؟

پارلیمانی الیکشن کے پس منظر میں محکمہ انکم ٹیکس اور انتخابی نگراں اسکواڈ کی طرف سے مختلف ٹھکانوں پر جو چھاپے مارے جارہے ہیں، اس تعلق سے خبر ملی ہے کہ ضلع شمالی کینرا میں مزیدکئی سیاسی لیڈروں اورتاجروں کے ٹھکانوں پر چھاپے پڑنے والے ہیں۔