حوالہ سانحہ کو لے کر ریل روکو تحریک
کٹنی، 16/جنوری (ایس او نیوز/آئی این ایس انڈیا)کٹنی میں ہوئے حوالہ سانحہ کو لے کر پیر کو متحدہ محاذ نے ریل روکو تحریک کی۔ریل روکنے جا رہے ممبر اسمبلی سوربھ سنگھ کو مڈوارا اسٹیشن سے پولیس نے گرفتار کر لیا، وہیں اس سانحہ میں ریاست کے وزیر سنجے پاٹھک کا نام اچھالنے پر ان کے حامیوں نے پیر کو شہر میں بڑی ریلی نکالی۔اطلاع کے مطابق، حوالہ سانحہ کو لے کر کٹنی شہر پھر سیاست کا اکھاڑہ بنتا نظر آیا۔متحدہ محاذ نے جہاں صبح ریل روکو تحریک چلائی اور اسٹیشن پہنچ کر ٹرینوں کو روکنے کی کوشش کی، لیکن پولیس نے مظاہرین کو وہاں سے نکال دیا اور ممبر اسمبلی سوربھ سنگھ کو گرفتار کر لیا۔وہیں بی جے پی وزیر سنجے پاٹھک کے حامیوں نے بھی شہر میں بڑی ریلی نکالی۔ان کا کہنا ہے کہ حوالہ سانحہ میں سیاسی روٹیاں سینکنے کے لیے وزیر کا نام اچھالا جا رہا ہے۔غورطلب ہے کہ عام آدمی پارٹی کی ریاستی اکائی اور کانگریس حوالہ سانحہ کو لے کر گزشتہ ایک ہفتے سے کافی سخت تیور اپنارکھا ہے اور حکومت کے ساتھ ہی وزیر سنجے پاٹھک پر سنگین الزامات لگائے جا رہے ہیں۔اسی کے جواب میں پاٹھک کے حامیوں نے ریلی نکال کر دونوں پارٹیوں کے خلاف جم کر نعرے بازی کی۔ادھر ہفتہ کو احتجاجی مظاہرہ کااہتمام کر رہے عام آدمی پارٹی کے کچھ کارکنوں کو پولیس نے گرفتار کر کے جیل میں ڈالدیا تھا۔پیر کو انہوں نے جیل میں ہی بھوک ہڑتال شروع کر دی، فی الحال ان کی بھوک ہڑتال جاری ہے۔