بھٹکل 21/مئی (ایس او نیوز) یہاں سے قریب 30 کلو میٹر دور منکی میں ایک خاتون نے اپنے چار سالہ فرزند کو لے کر کنویں میں چھلانگ لگاتے ہوئے موت کو گلے لگالیا جس کی شناخت دیپا راجیش نائک (38)  کی حیثیت سے کی گئی ہے۔

بتایا گیا ہے کہ خاندان کے  آپسی کچھ  معاملات کو لے کر دیپا نائک نے یہ انتہائی  قدم اُٹھایا ہے اور نہ صرف اس نے خود کی جان لی ہے بلکہ اپنے ساتھ اپنے معصوم بیٹے گنیش راجیش نائک کو بھی موت کے گھاٹ اُتارا ہے۔

ایک ذرائع نے بتایا کہ دیپا نائک کے شوہر نے کچھ لوگوں  سے قرض لیا تھا، جس کی وقت پر بھرپائی نہ ہونے کی وجہ سے  لوگ دیپا نائک کو پریشان کررہے تھے، تنگ آکر اس نے کنویں میں کود کر خودکشی کرلی۔

بتایا گیا ہے کہ گھروالوں نے دونوں کی لاشوں کو کنویں سے باہر نکالا ہے ، مگر اس تعلق سے پولس تھانہ میں کوئی کیس درج نہیں کیا گیا ہے۔ البتہ واقعے کی اطلاع ملتے ہی منکی پولس موقع واردات پر پہنچی ہے اور جائے وقوع کا جائزہ لیتے ہوئے  معاملے کی جانچ میں جٹ گئی ہے۔