سال 2015 میں آلودگی سے ہندوستان میں ہوئیں 25 لاکھ اموات، فہرست میں چین سے بھی اوپر
نئی دہلی، 20 اکتوبر (ایس او نیوز؍آئی این ایس انڈیا ) سال 2015 میں آلودگی سے اموات میں بھارت سب سے اوپر ہے ، وہیں ’سوچھ بھارت ‘ کا مشن بھی جار ی ہے۔ لینسیٹ جرنل میں شائع ایک رپورٹ میں جمعہ کو کہا گیا ہے کہ سال 2015 میں ہوا، پانی اور دوسری اشیاء میں پائے جانے والی آلودگی کی وجہ سے بھارت میں 25 لاکھ لوگوں نے جان گنوائی ہے ۔ محققین نے کہا کہ ان میں سے زیادہ تر اموات آلودگی کی وجہ سے ہونے والی دل کی بیماریوں ،ا سٹروک، پھیپھڑوں کے کینسر اور سانس کی شدید بیماری کی وجہ سے ہوئی ہیں۔ تحقیق کے مطابق فضائی آلودگی سب سے بڑی وجہ ہے ۔ اس کی وجہ سے 2015 میں دنیا میں 65 لاکھ لوگوں کی موت ہوئی۔ وہیں، پانی کی آلودگی (18 لاکھ موت) اور کام کی جگہ سے منسلک آلودگی (8 لاکھ موت) اگلے بڑے خطرات ہیں۔ محققین میں بھارتی ٹیکنالوجی ادارے (آئی آئی ٹی) دہلی اور امریکہ کے اسکول آف میڈیسن کے ماہرین شامل تھے۔ محققین نے کہا کہ آلودگی سے منسلک 92 فیصد موت مندرجہ بالا اموات متوسط آمدنی والے طبقہ میں ہوئی ہے ۔