جموں میں زیادہ تر لوگ آرٹیکل 35اے کو ختم کرنے کے خلاف ہیں:پی ڈی پی
جموں:8/ اگست (ایس او نیوز/آئی این ایس انڈیا)اپنی سیاسی زمین کھسکتی دیکھ کرمحبوبہ مفتی پینترے بدل رہی ہیں۔پی ڈی پی کے ایک سینئر لیڈر نے آج دعویٰ کیاکہ جموں میں زیادہ تر لوگ آئین کے آرٹیکل 35اے کو ختم کرنے کے خلاف ہیں جو جموں کشمیر کے عوام کو مراعات فراہم کرتی ہے۔پیپلزڈیموکریٹک پارٹی (پی ڈی پی)کے ایڈیشنل ترجمان ابھیجیت جسروٹیا نے کہاکہ جان بوجھ کر یہ غلط تاثرپھیلایاجارہی ہے کہ جموں کے عوام آرٹیکل 35اے کو ختم کرنے کے حق میں ہیں۔انہوں نے کہاکہ کشمیر اور لداخ کے علاقے کے لوگوں کی طرح تقریباََتمام ڈوگرا آئینی فراہمی کے لاگو رہنے کے حامی ہیں۔جسروٹیا نے کہا کہ جموں کے باشندے خاص طورڈوگرا اس بات کو اچھی طرح سمجھتے ہیں کہ آرٹیکل ختم کرنے سے ان کی اگلی نسل کے لیے بحران پیدا ہو جائے گا۔انہوں نے کہاکہ میں خود ڈوگراسے ہوں اور ہم آئینی دفعات ہٹانے سے پیدا ہونے والے چیلنجوں سے بخوبی واقف ہیں۔ہم ایک چھوٹے سے گروپ کے مطالبے پر اس دفعہ کو دور نہیں دیں گے۔انہوں نے کہا کہ کشمیری پنڈتوں اورڈوگراکمیونٹی کی سفارش پر مہاراجہ ہری سنگھ نے قانون نافذ کیا تھا۔جسروٹیا نے کہاکہ ہم مہاراجہ کا احترام کرتے ہیں اوران کی بہت عزت کرتے ہیں۔وہ اس قانون کو لے کر آئے تھے جو ہمارے لیے فائدہ والاہے۔