ہیٹی،23؍اکتوبر(ایس او نیوز ؍آئی این ایس انڈیا)ہیٹی میں حکام کا کہنا ہے کہ دارالحکومت سے 45کلو میٹر دور واقع جیل سے 170قید فرار ہو گئے ہیں۔اطلاعات ہیں کہ ان قیدیوں نے فرار سے قبل اسلحہ چرایا اور فائرنگ کے تبادلے میں ایک سکیبورٹی اہلکار اور ایک دوسرا قیدی ہلاک ہو گیا۔حکام کا کہنا ہے کہ اقوامِ متحدہ کے امن اہلکاروں کے تعاون سے ان مفرور قیدیوں کی تلاش کا کام جاری ہے۔ہیٹی ی حکومت نے اپنی ٹویٹ میں واقعے مزمت کرتے ہوئے تصدیق کی کہ جیل توڑی گئی۔جسٹس منسٹر کیملے ایڈورڈ جونیئر نے خبر رساں ادارے روئٹرز سے بات کرتے ہوئے کہا ایک اہلکار واقعے کے دوران مارا گیا جبکہ تین قیدی زخمی ہوئے جن میں سے ایک زخموں کی تاب نہ لاتے ہوئے ہلاک ہو گیا۔حکام کا کہنا ہے کہ گیارہ افراد کو دوبارہ گرفتار کیا جا چکا ہے۔ہیٹی کی جیلوں میں کافی رش ہوتا ہے اور یہ قیدی مقدے سے قبل ہی برسوں جیل ہیں میں اگزار دیتے ہیں۔

عراقی وزیر اعظم حیدر العبادی نے موصل شہر سے جہادی تنظیم اسلامک اسٹیٹ کو پسپا کرنے میں عسکری مدد کی ترکی کی پیشکش مسترد کر دی ہے۔ اس سلسلے میں امریکی وزیر خارجہ ایشٹن کارٹر سے ملاقات کے بعد عراقی وزیر اعظم العبادی نے صحافیوں کو بتایا کہ انہیں معلوم ہے کہ موصل کا قبضہ چھڑانے کی مہم میں ترکی بھی شامل ہونا چاہتا ہے۔ انہوں نے ترکی کا شکریہ ادا کرتے ہوئے کہا کہ فی الحال موصل کی بازیابی کا عمل عراق خود مکمل کرنا چاہتا ہے۔ العبادی نے مزید کہا کہ امداد کی ضرورت ہوئی تو ترکی یا دوسرے قریبی ملکوں سے درخواست کی جا سکتی ہے۔ ترک فوجی دستے موصل شہر کے قریب بعشیقہ میں تعینات ہیں۔