نئی دہلی، 18 فروری(ایس او نیوز؍آئی این ایس انڈیا) ملک میں مسلح افواج کا جذبہ بلند ہے اور دہشت گردوں کو ختم کرنے میں انہیں کامیابی مل رہی ہے۔ یہ بات پیر کو مرکزی وزیر راجناتھ سنگھ نے کہی۔

جموں و کشمیر کے پلوامہ میں سی آر پی ایف کے قافلے میں ایک دہشت گرد کی طرف سے دھماکہ خیز مواد سے بھری گاڑی ٹکرانے کے بعد سنگھ کا یہ بیان آیا ہے، حملے میں 40 جوان شہید ہو گئے تھے۔سنگھ نے ایک پروگرام کے الگ صحافیوں کوبتایاہے کہ تمام حالات کے باوجود مسلح افواج کا جذبہ بلندہے، آپ دیکھ سکتے ہیں کہ دہشت گردوں کو ختم کرنے میں کس طرح سے کامیابی مل رہی ہے۔دوارکا میں سائبر پروینشن اویئرنیس اینڈ ڈٹیکشن (سی وائی پی اے ڈی) مرکز اور نیشنل سائبر فورنسک لیب (این سی ایف ایل) کا افتتاح کرنے کے بعد سنگھ نے سائبر جرائم کو مکمل طور ڈیجیٹل انڈیا کے لئے سب سے بڑا چیلنج بتایا۔قومی سیکورٹی ایجنسیاں اور پولیس این سی ایف ایل میں خصوصیات کا استعمال کریں گی جسے ہندوستانی سائبر جرائم مرکز کے تحت قائم کیا گیا ہے۔اس موقع پردہلی کے لیفٹیننٹ گورنر انل بیجل اور پولیس کمشنر انمول پٹنائک بھی موجود تھے۔