موڈبیدری 18؍اکتوبر(ایس او نیوز)ایک دردناک حادثے میں کالج کا طالب علم اس وقت ہلاک ہوگیا ، جب وہ موٹر بائک اسکڈ ہونے کی وجہ سے سڑک پر گرگیا اور قریب سے گزرنے والی نجی بس کی زد میں آگیا۔

بتایاجاتا ہے کہ موڈبیدری کالج میں ڈپلومہ کورس کا طالب علم موہیت(19سال)اپنے دوست کوبائک کی پچھلی سیٹ پر بٹھاکرکالج سے گھر لوٹ رہا تھا۔نیشنل ہائی وے 169پرکیچڑ کی وجہ سے اس کی بائک پھسل گئی اور وہ سڑک پر اچھل کر گرگیا۔ بدقسمتی سے اسی وقت ایک پرائیویٹ بس جو موڈبیدری کی طرف جارہی تھی، اس کے چکروں موہیت کے اوپر سے گزرگئے اور وہ موقع پر ہی ہلاک ہوگیا۔بائک کی پچھلی سیٹ پر بیٹھا ہوئے ریشب کو کسی قسم کی چوٹ نہیں آئی۔ اس حادثے کے تعلق سے موڈبیدری پولیس اسٹیشن میں کیس درج کرلیا گیا ہے۔