موڈبیدری میں تیز رفتار کار الٹ گئی۔مسافروں میں کسی کو کوئی نقصان نہیں پہنچا
موڈبیدری،21؍اکتوبر (ایس او نیوز)بہت ہی تیز رفتاری سے چلائی جارہی ایک کار بے قابو ہوکر پوری طرح الٹ گئی لیکن خوش قسمتی سے اس میں موجود تمام مسافر بغیر کسی نقصان کے کار سے باہر نکل آنے میں کامیاب رہے۔
عینی شاہدین کے مطابق یہ حادثہ اس وقت پیش آیا جب سوراج میدان سے کچھ مسافروں کو لے کر ایک سوِفٹ کار بڑی تیزرفتاری سے کارکلا کی طر ف جارہی تھی۔رنگ روڈ پر اچانک کار بے قابو ہوگئی اور اچھل کرروڈ سے کئی میٹر دورجاگری۔اگرچہ کار کو بہت زیادہ نقصان پہنچا ہے مگر اس کے اندر موجود تمام مسافر محفوظ رہے۔