مینگلور کے قریب مڈبیدرے میں کانگریس لیڈران کو بجرنگ دل والوں کی طرف سے قتل کی دھمکی : ایک گرفتار
موڈبیدرے :24/مارچ(ایس اؤ نیوز)رکن اسمبلی ابھئیے چندر جین، ضلع یوتھ کانگریس صدر متھون رائی،والپاڑی گرام پنچایت نائب صدر ارون کمار شٹی سمیت کل 3لو گوں کو قتل کی دھمکی دینے والے کارکلا تعلقہ ایدودیہات کے پروین شٹی پر موڈبیدرے میں کیس درج کیا گیا ہے۔ کیس درج کرلینے کے بعد پولس نے ایدو دیہات کے بجرنگ دل ممبر سچن شٹی کو گرفتار کرکے پوچھ تاچھ کررہی ہے۔
مالپاڑی کے ارون کمار کو 21مارچ کی رات 725951411، 9148792405 اور 7760065503موبائیل نمبر سے رابطہ کرتے ہوئے بجرنگ دل ممبر پروین شٹی نے 5اپریل کو ایدو دیہات میں منعقد ہونے والے مندر جاترا کی دعوت دیتے ہوئے رکن اسمبلی ابھئے چندرا جین ، متھون رائی سمیت ارون کما رکو قتل کرنے کی دھمکی دئیے جانے کی بات ارون شٹی نے اپنی شکایت میں تحریر کی ہے۔ کل 3موبائیل نمبرات سے 4ملزموں نے رابطہ کئے جانے کا پتہ چلاہے۔ دیگر ملزموں کے متعلقجانکاری حاصل کی جارہی ہے۔ موڈبیدرے کی پولس نے شکایت پر ایف آئی آر درج کرلی ہے۔
واقعہ کی اصل حقیقت کچھ اس طرح ہے۔ کچھ دنوں پہلے دریگوڈے پنچایت حدود کے پنپل میں ابھئیے چندراجین پر حملہ کی کوشش اور اس کے بعد ہوئے معاملے کی ایک وڈیو کلپ سوشیل نیٹ ورک پر وائرل ہوئی تھی اس سلسلے میں ارون کمار شٹی نے اعتراض جتایا تو اس طرح فون کے ذریعے رابطہ کرکے قتل کی دھمکی دئیے جانے کی بات کہی جارہی ہے۔ اس کے ساتھ ساتھ حالیہ دنوں میں ستیہ گرہ کئے مزدور لیڈر سودت جین کو بھی اسی طرح بجرنگ دل کے ممبران نے قتل کی دھمکی دی تھی ، لیکن سودت جین نے کوئی کیس درج نہیں کرنےکی اطلاع موصول ہوئی ہے۔ لیکن سودت جین نے خود موڈبیدرے کی پولس اپنی طرف سے کیس درج کرکے جانچ کرنے کی مانگ کی ہے۔ سودت جین کو ان کی جدوجہد کو لے کر کئی مرتبہ قتل کی دھمکی دئیے جانے کی خبر ہے ۔