بنگلورو،31؍مئی(ایس او نیوز) مسلسل کئی سالوں سے خشک سالی کا سامنا کرنے والی ریاست کے لئے ایک بڑی راحت ہے کیوں کہ جنوب مغربی مانسون توقع ہے کہ 4جون کو ریاست سے ٹکرائے گا۔ ہندوستانی محکمہ موسمیات نے اس سال معمول کی بارش کا امکان ظاہر کیا ہے جس سے کسان راحت کی سانس لے سکتے ہیں۔ تاہم اس کیلئے ریاست میں بارش سے پہلے دور درازحصوں میں مزید چند دن درکار ہوں گے ۔اسی دوران خلیج بنگال میں ایک اور ہوا کے دباو کے سبب ساحلی کرناٹک ' ملناڈ ' جنوبی دور دراز کرناٹک کے علاقوں میں بارش کے موسم سے پہلے شدید بارش ہوئی۔ ہندوستانی محکمہ موسمیات کا کہنا ہے کہ آئندہ چند دنوں میں ساحلی اور جنوبی دور درازکرناٹک میں شدید بارش کا امکان ہے ۔ساحلی کرناٹک میں آئندہ 5دنوں کے دوران شدید بارش کی توقع ظاہر کی گئی ہے ۔ شمالی دور دراز کرناٹک میں بھی بارش ہوگی۔ ساتھ ہی جنوبی دور دراز کرناٹک میں بھی جمعرات تک بارش کا امکان ہے ۔ ایک ہفتہ کے دوران بنگلورو اور کرناٹک کے دیگر حصوں میں پہلے ہی غیرمعمولی بارش ہورہی ہے ۔