جب وزیر اعظم نریندر مودی نے سونیا گاندھی کی خیریت دریافت

Source: S.O. News Service | By Sheikh Zabih | Published on 17th July 2017, 9:40 PM | ملکی خبریں |

نئی دہلی،17؍جولائی (ایس او نیوز/آئی این ایس انڈیا )پارلیمنٹ کے مانسون سیشن کا آج سے آغاز ہو چکا ہے ۔وزیر اعظم نریندر مودی نے سیشن شروع ہونے سے پہلے میڈیا سے خطاب کرتے ہوئے کہا کہ ’بھارت چھوڑو تحریک ‘کے 75سال ہو رہے ہیں،اس وقت لوگوں کے نمائندوں کو صدر اور نائب صدر منتخب کرنے کا موقع ملا ہے۔ مودی نے جی ایس ٹی کا نیا مطلب بھی بتایا۔انہوں نے کہا کہ جی ایس ٹی ایک ساتھ کام کرنے کا دوسرا نام ہے۔ساتھ ہی وزیر اعظم نریندر مودی نے پارلیمنٹ کے مانسون سیشن کے پہلے دن لوک سبھا میں کانگریس صدر سونیا گاندھی سمیت حزب اقتدار اور اپوزیشن کے تمام رہنماؤں کے پاس جا کر ان کا حال چال بھی پوچھا۔

لوک سبھا کا اجلاس شروع ہونے سے کچھ پہلے وزیر اعظم اپوزیشن ارکان کی نشست کی طرف بھی گئے، اس سے پہلے وہ مرلی منوہر جوشی، رام ولاس پاسوان کے علاوہ بی جے پی اور اس کی اتحادی پارٹیوں کے لیڈروں سے ملے۔اس کے بعد وزیر اعظم مودی پارلیمانی امور کے وزیر اننت کمار کے ساتھ اپوزیشن ارکان کی نشست کی طرف بھی گئے اور کانگریس صدر سونیا گاندھی، ایوان میں کانگریس کے لیڈر ملکا ارجن کھڑگے اور ایس پی کے سینئر لیڈر ملائم سنگھ یادو کی خیریت دریافت کی ۔انہوں نے کھڑگے اور ملائم سنگھ سے کچھ دیر بات چیت کی اور حال چال پوچھا۔وزیر اعظم مودی نے انادرمک کے لیڈر اور لوک سبھا کے نائب صدر ایم تھمبی درئی سے بات کی اور پھر کانگریس نائب صدر راہل گاندھی، فاروق عبداللہ، جیوتی رادتیہ سندھیا، بھرترہر مہتاب کو سلام کیا۔ایوان کے دن بھر کے لیے ملتوی ہونے کے بعد وزیر اعظم کو بی جے پی کے کئی لیڈروں سے بات کرتے دیکھا گیا۔
 

ایک نظر اس پر بھی

بہار کے بعد اب یوپی میں بی جے پی کا آپریشن؛ ایس پی اور بی ایس پی دونوں پارٹیوں کے ممکنہ اتحادکوروکنے کی ہرممکن ہوگی کوشش

 بہار میں قلعہ فتح کرنے کے بعد اب بی جے پی کا اگلا نشانہ یوپی ہوگا۔یوپی میں اپوزیشن کے ممکنہ مہاگٹھ بندھن کومنہدم کرنااب بی جے پی کی ترجیح ہے۔نتیش کمارکی حلف برداری کی تقریب کے فوراََبعدیوپی کے وزیراوربڑے لیڈرسددھارتھناتھ سنگھ نے ٹویٹ کرکے اس کا اشارہ کر دیاہے۔

یوپی اسمبلی سے ایس پی اوربی ایس پی ممبران کاواک آؤٹ

 اترپردیش قانون ساز کونسل میں آج ایس پی اوربی ایس پی ممبران نے مختلف مسائل کو لے کر ایوان سے واک آؤٹ کیاہے۔وقفہ صفرکے دوران ایس پی ارکان نے التواء کی تجویزکے ذریعے ریاست میں اساتذہ کے ایڈجسٹمنٹ کا معاملہ اٹھا۔ایس پی ارکان نے کہا کہ پچھلی ایس پی حکومت نے 12ہزار 460بی ٹی سی اساتذہ ...

لالویادوکے خاندان کے خلاف کارروائی کاسلسلہ جاری ای ڈی نے لالویادو، رابڑی،تیجسوی سمیت متعددلیڈروں پر منی لائونڈرنگ کاکیس درج

بہارمیں لالویادو خاندان پرایک اور بحران گہراگیاہے۔ رانچی اور پوری کے ہوٹلوں کو لیز پر دینے کے معاملے میں لالو، رابڑی اورتیجسوی یادو سمیت کئی لوگوں پر کیس درج کیاہے۔

ارون جیٹلی اورکے سی سی تیاگی شرد یادوکو منانے میں مصروف ،مرکزی وزارت پرڈیل ممکن؛ نتیش کمارکواسمبلی میں آج جمعہ کو ثابت کرنا ہوگا اکثریت

نتیش کمار کے مہاگٹھ بندھن چھوڑنے کے بعد بی جے پی کے ساتھ ملنے پر پارٹی کے سینئر لیڈر شرد یادو ناراض ہیں۔انہوں نے نتیش کمار سے اس فیصلے کے خلاف اپنا موقف بتا دیاہے۔جے ڈی یوکے دوسرے سینئر رہنما علی انور نے تو پارٹی کے فیصلے کے خلاف کھل کر بولا بھی ہے اور شرد یادو سے ملنے کے بعد کہا ...

28 جولائی کو بستر آئیں گے راہل گاندھی

کانگریس نائب صدر راہل گاندھی28جولائی کودوروزہ قیام پربسترپہنچیں گے۔راہل گاندھی اس دوران بہت سے پروگراموں میں شامل ہوں گے۔کانگریس جنرل سکریٹری اور چھتیس گڑھ انچارج پی ایل پنیا نے آج یہاں ایک پریس کانفرنس میں بتایاکہ گاندھی 28تاریخ کوبسترضلع کے ہیڈ کوارٹر جگدل پور پہنچیں گے۔