قومی دن پر حاکم دبئی کی سعودی قوم اور قیادت کو مبارک باد،ٹویٹر پر سعودی قیادت سے ملاقات کی یادگاری تصاویر پوسٹ

Source: S.O. News Service | By Shahid Mukhtesar | Published on 22nd September 2017, 1:26 AM | خلیجی خبریں |

دبئی،21ستمبر(ایس او نیوز؍آئی این ایس انڈیا)متحدہ عرب امارات کے نائب صدر، وزیراعظم اور حاکم دبئی الشیخ محمد بن راشد آل مکتوم نے سعودی عرب کے قومی دن کے موقع پر مملکت کی قیادت اور پوری قوم کو خلوص دل سے مبارک باد پیش کی ہے۔

سعودی عرب کے 87 ویں قومی دن کی مناسبت سے حاکم دبئی الشیخ محمد بن راشد آل مکتوم نے مائیکرو بلاگنگ ویب سائیٹ ‘ٹویٹر‘ پر ’معا ابدا ھیش ٹیک‘ کے عنوان سے سعودی قیادت کے لیے تہنیتی کلمات اور قیادت کے ساتھ سابقہ ملاقاتوں کی یاد گار تصاویر بھی پوسٹ کی ہیں۔

حاکم دبئی کا کہنا ہے کہ سعودی عرب کے قومی دن کے موقع پر تمام سعودی بھائیوں، مملکت سعودی عرب کی قیادت بالخصوص خادم الحرمین الشریفین اور ولی عہد کی عزت اور عظمت کو ھدیہ تبرک پیش ہے‘۔ایک ٹویٹ میں انہوں نے لکھا کہ ہم سعودی عرب کے ساتھ ہیں۔ سعودی عرب کی عزت ہماری عزت، ہمارے ممالک کی عزت ہے۔ ہمیں شاہ سلمان پر فخر ہے جن کی اسلام اور ہمارے ملکوں کے دفاع میں لازوال خدمات ہیں۔

انہوں نے مزید کہا کہ سعودی عرب کے قومی دن کی خوشی میں متحدہ عرب امارات کی عوام اور حکمراں بھی شامل ہیں۔الشیخ محمد بن راشد نے سعودی عرب کی قیادت کے ساتھ ہونے والی چند یادگار تصاویر بھی پوسٹ کی ہیں جو دونوں ملکوں کی قیادت کے پر خلوص تعلق کی عکاسی کرتی ہیں۔

ایک نظر اس پر بھی

ایرانیوں کا پیغام واضح ہے، وہ نظام کی تبدیلی چاہتے ہیں : شہزادہ رضا پہلوی

سابق شاہ ایران کے بیٹے شہزادہ رضا پہلوی نے ایران میں مظاہروں کی اہمیت پر زور دیتے ہوئے باور کرایا ہے کہ ایرانی عوام 40 برس تک مذہبی آمریت کے نظام کے تحت زندگی گزارنے کے بعد اس بات پر قائل ہو چکے ہیں کہ اس نظام کی اصلاح ممکن نہیں۔

اب سو فیصد ڈیجیٹل حج؛ آن لائن اور ایپ کے ذریعے3.60 لاکھ درخواستیں موصول؛ سعودی میں مرکزی وزیر مختار عباس نقوی کا بیان

امسال سے حج سو فی صد  دیجٹل  ہوگا اور لوگوں کے ابآن لائن اور موبائل ایپ کے ذریعے درخواستیں موصول کئے جارہے ہیں، اب تک  آن لائن  اور موبائیل ایپ کے ذریعہ تین لاکھ  60 ہزار درخواستیں  حج کمیٹی کو موصول ہوچکی  ہیں۔  ہمارا حج کوٹہ پچھلے سال کی طرح امسال بھی پرایویٹ ٹور اپریٹرس ...