بیٹے کے ساتھ چیس کھیلنے پرٹرول ہو گئے کیف، شیئر کی تھی تصویر
نئی دہلی ،29جولائی(ایس او نیوز؍آئی این ایس انڈیا)سوریہ نمسکارکے بعد تنقید کا شکار ہوئے کرکٹر محمد کیف ایک بار پھر سوشل میڈیا پر ٹرول کئے گئے۔اس بار کیف کا چیس کھیلنا اسلام کے خلاف بتایا گیا ہے۔دراصل 27جولائی، 2017کو محمد کیف نے سوشل میڈیا پر اپنے بیٹے کے ساتھ چیس کھیلنے کی تصویر ڈالی،اس پر کئی لوگوں نے تبصرے کئے ہیں،کوئی چیس کھیلنا اسلام کے خلاف بتا رہا ہے تو کوئی چیس کھیلنا حرام بتا رہا ہے،کئی لوگوں نے کیف کی تنقید کی تو کئی لوگوں نے ناقدین کو کرارا جواب بھی دیا۔ایک نے کیف کو اسلام کی نصیحت دینے والے لوگوں کو جواب دیتے ہوئے لکھا کہ چیس حرام ہے، کرکٹ حرام ہے، سونا حرام ہے، پینا حرام ہے، جینا حرام ہے، اچھا مذہب ہے۔کیف نے فیس بک پر اپنے بیٹے کے ساتھ چیس کھیلتے ہوئے ایک تصویر شیئر کی، جس کے کیپشن میں لکھا،شطرنج کے کھلاڑی۔اس پر ایک یوزر نے لکھا کہ میرے خیال سے اسلام میں چیس کھیلنا ممنوع ہے، میں بھی ایک اچھا کھلاڑی رہا ہوں، لیکن جب حدیث پڑھی تو میں نے پایا کہ چیس کھیلنا منع ہے، پھر کبھی نہیں کھیلا۔