تلنگانہ : سابق کرکٹر محمداظہر الدین ایگزیکٹو ریاستی صدر منتخب
نئی دہلی،30؍ نومبر (ایس او نیوز؍آئی این ایس انڈیا) سابق کرکٹر محمد اظہر الدین کو جمعہ کو تلنگانہ میں کانگریس پارٹی کا ایگزیکٹو ریاستی صدر بنایا گیا ہے۔55 سالہ اظہر الدین اس سے پہلے لیڈربھی رہ چکے ہیں۔بتا دیں کہ کرکٹر اظہر الدین 1990 میں ہندوستانی کرکٹ ٹیم کے کپتان بھی رہ چکے ہیں۔ بطور ایک بہترین بلے باز اظہر الدین اپنے کیریئر میں ملک کے لئے تین بار ورلڈ کپ کھیل چکے ہیں۔آج کانگریس صدر راہل گاندھی نے انہیں تلنگانہ کا ایگزیکٹو ریاستی صدر مقرر کیا۔اس کے ساتھ ہی راہل گاندھی نے اور دیگر عہدیداروں کے ناموں کا بھی اعلان کیا۔ ان میں بی ایم ونود کمار اور ظفر جاوید کونائب صدر کی ذمہ داری دی گئی ہے۔اظہر الدین حیدرآباد کے رہنے والے ہیں۔ذرائع کے مطابق وہ اگلے سال ہونے والے عام انتخابات میں سکندرآبادسے الیکشن لڑنا چاہتے ہیں۔ واضح رہے کہ تلنگانہ میں اگلے ہفتے 7 دسمبر کو اسمبلی انتخابات کے لئے ووٹنگ ہونی ہے۔جنوب کا یہ ریاست 2014 میں آندھرا پردیش کی تقسیم کے بعد بنایا گیا تھا۔جہاں کانگریس کا تیلگو دیشم پارٹی سے اتحاد ہے۔اور سابق ایم پی سندیپ دیکشت کی بھی کانگریس میں واپسی ہو گئی ہے۔کانگریس جنرل سکریٹری اشوک گہلوت نے جمعہ کو اطلاع دی کہ آج سندیپ کو پارٹی کا سیکرٹری مقرر کیا گیا ہے۔بتا دیں کہ سندیپ کانگریس سے دہلی کی وزیر اعلی رہ چکیں شیلا دکشت کے بیٹے ہیں۔