نئی دہلی ،15جولائی (ایس او نیوز؍آئی این ایس انڈیا) گزشتہ دو لوک سبھا انتخابات میں اتر پردیش اور راجستھان سے قسمت آزمانے کے بعد کانگریس لیڈر اور سابق ہندوستانی کرکٹ کپتان محمد اظہر الدین 2019 کے لوک سبھا انتخابات اپنے آبائی ریاست تلنگانہ کے سکندرآباد سے لڑنا چاہتے ہیں۔

اظہر نے 2009 کے لوک سبھا انتخابات میں اتر پردیش کی مرادآباد پارلیمانی سیٹ سے کامیابی حاصل کی تھی لیکن2014کے عام انتخابات میں وہ راجستھان کی ٹونک ،سوائی مادھوپور سیٹ سے ہار گئے تھے۔انہوں نے کہا کہ اس بارے میں آخری فیصلہ تو کانگریس اعلی کمان کرے گا کہ وہ کہاں سے الیکشن لڑیں گے لیکن انہوں نے سکدراباد سے قسمت آزمانے کی کوشش کرنے کی خواہش پارٹی اعلی کمان سے ظاہر کردی ہے۔

انٹرویو میں سابق ایم پی نے کہا کہ وہ سکندرآباد سے قسمت آزمانا چاہتے ہیں کیونکہ بہت سے لوگوں نے کہا ہے کہ انہیں اس بار ان کے ریاست سے ہی الیکشن میں اترنا چاہئے۔اظہر نے کہاکہ میں نے لوک سبھا علاقے میں کئی مقامات اور دیہات کا دورہ کیا ہے اور کسانوں اور دیگر لوگوں سے بات کی ہے۔ ان تمام نے وہاں سے الیکشن لڑنے کے لئے خیر مقدم کیا۔55 سالہ سابق کرکٹرنے کہاکہ میں نے اپنے جذبات سے پارٹی کو آگاہ کیا جاتا ہے۔بالآخر بہت سخت تو پارٹی ہی ہے۔یہاں میں کپتان نہیں ہوں۔اگر میں کپتان ہوتا تو فورا اس پارلیمانی حلقہ کو چن لیتا۔سکندرآباد سے جیتنے کے امکانات کے سوال پر انہوں نے کہا کہ وہ جیت ہار کے بارے میں نہیں سوچتے۔