اپنے مسلم دوستوں سے پوچھنا چاہتا ہوں کہ کیا انہوں نے آپ کو ملک میں کہیں بھی ریزرویشن دیا:مودی 
لناواڑا/گجرات9دسمبر (ایس او نیوز؍آئی این ایس انڈیا) گجرات میں پاٹی دار کمیونٹی کو ریزرویشن دیے جانے کے وعدے پر کانگریس کی یقین دہانی پر سوال اٹھاتے ہوئے وزیر اعظم نریندر مودی نے آج کہا کہ اس کے لئے یا تو اس کے لیے دلت ، پسماندہ طبقات کے حقوق چھینے گی یا پھر وہ جھوٹا وعدہ کر رہی ہے جیسا کہ اس نے کئی ریاستوں میں مسلم ریزرویشن تحریک کے معاملے پر کیا ہے۔پا ٹی دار ر ریزرویشن کے معاملے پر براہ راست بڑا حملہ کرتے ہوئے مودی نے کہا کہ کانگریس یا تو اس سلسلے میں دلت اور پسماندہ طبقات کے حقوق چھینے گی یا پھر اس کے لیے وہ ’’ جھوٹ‘‘ بول رہی ہے ۔ واضح ہو کہ اس معاملے پر ریزرویشن کی تحریک کے رہنما ہارد ک پٹیل نے اسمبلی انتخابات میں کانگریس کی حمایت کا اعلان کیا ہے ۔ اپنے پہلے انتخابی تقریروں میں وزیر اعظم نے عوام سے کہا تھا کہ وہ جھوٹے وعدوں کے شکا رنہ ہوں ۔مہاساگر ضلع کے لناواڑا میں ایک ریلی سے خطاب کرتے ہوئے مودی نے کہا کہ میں کانگریس پارٹی سے پوچھنا چاہتا ہوں کہ آپ نے ملک کے تمام ریاستوں میں مسلمانوں کو یہ کہہ کر لالی پاپ تھمادی کہ انہیں ریزرویشن دیں گے۔ انہوں نے کہا کہ میں اپنے مسلم دوستوں سے پوچھنا چاہتا ہوں کہ کیا انہوں نے آپ کو ملک میں کہیں بھی ریزرویشن دیا؟ کیا یہ وعدہ جھوٹا ثابت نہیں ہو تا ؟ وزیر اعظم نے کہا کہ اب انہوں نے یہاں (گجرات میں) ایک اور کمیونٹی سے اسی طرح کا وعدہ کیا؛ لیکن وہ ریزرویشن دیں گے کس طرح ؟ گجرات اسمبلی انتخابات میں پا ٹی دار تحریک کے لیڈر ہاردک پٹیل نے پا ٹی دار تحریک کمیٹی کی حمایت گزشتہ ماہ کانگریس کو دی تھی ۔ ہاردک پٹیل نے اس سلسلے میں کہا تھاکہ کانگریس نے وعدہ کیا کہ انہیں ریزرویشن دیں گے ۔