وزیراعظم مودی سے نرمل سنگھ کی ملاقات، کشمیرمیں ہندو وزیراعلیٰ بنانے کےلئے بی جے پی نے بڑھائےقدم

Source: S.O. News Service | By Shahid Mukhtesar | Published on 12th July 2018, 1:32 PM | ملکی خبریں |

سری نگر،12؍جولائی (ایس او نیوز؍ایجنسی)  جموں وکشمیر میں بی جے پی نے حکومت بنانے کے لئے کوششیں تیز کردی ہیں۔ وزیراعظم دفتر کے اعلیٰ ذرائع نے اطلاع دی ہے کہ بدھ کی شام 4 بجے جموں وکشمیر کے سابق نائب وزیراعلیٰ اور سینئر بی جے پی لیڈر نرمل سنگھ نے وزیراعظم مودی کے ساتھ خفیہ میٹنگ کی۔

اس میٹنگ کے بعد قیاس آرائیاں کی جارہی ہیں کہ ریاست میں بی جے پی جلد ہی حکومت کی تشکیل کرسکتی ہے۔ ذرائع نے یہ بھی بتایا کہ وزیراعظم مودی کے ساتھ میٹنگ سے پہلے نرمل سنگھ نے جموں وکشمیر کے بی جے پی انچارج رام مادھو کے ساتھ ایک طویل ملاقات کی تھی۔

واضح رہے کہ گزشتہ کچھ دنوں سے مسلسل خبریں آرہی ہیں کہ بی جے پی جموں وکشمیر میں پی ڈی پی کے باغی ممبران اسمبلی کی مدد سے حکومت بنا کر ریاست میں ہندو وزیراعلیٰ کی تقرری کرنا چاہتی ہے۔

حالانکہ سرکاری طور پر کوئی بھی اس بات کو نہیں تسلیم کررہا ہے، لیکن بی جے پی اور پی ڈی پی دونوں کے ذرائع کہہ رہے ہیں کہ اگست میں امرناتھ یاترا کے اختتام کے بعد جموں وکشمیر کی سیاست میں اہم تبدیلی دیکھنے کو مل سکتی ہے۔ بدھ کو ہوئی مودی اور نرمل سنگھ کی میٹنگ بھی اسی طرف اشارہ کررہی ہے۔

قابل ذکر ہے کہ اس سال جو ن میں بی جے پی نے خود کو محبوبہ مفتی کے اتحاد والی حکومت سے الگ کرلیا تھا۔ اس کے بعد دیگر سیاسی جماعتوں نے گورنر راج کی حمایت کی تھی، لیکن شروع سے ہی قیاس آرائی کی جارہی ہے کہ بی جے پی دیگر پارٹیوں کے ممبران کو توڑ کرحکومت بنانے کی کوشش کرسکتی ہے۔

محبوبہ سے ناراض ہیں پی ڈی پی کے ممبران اسمبلی: سابق وزیراعلیٰ محبوبہ مفتی کی قیادت کے خلاف کھلےطور پر بغاوت کرنے والے پی ڈی پی کے ممبراسمبلی عابد انصاری نے نیوز 18 کو بتایا کہ پی ڈی پی کے باغی ممبران اسمبلی بی جے پی کی حمایت کو لے کر سنجیدگی سے غور کریں گے۔ محبوبہ مفتی پر حملہ کرتے ہوئے عابد انصاری نے کہا تھا کہ یا تو پارٹی ٹوٹ جائے گی یا پھر لیڈرشپ میں تبدیلی آئے گی۔

انصاری نے کہا کہ سوال مناسب نمبر کا ہے۔ اس وقت تقریباً ایک درجن ممبراسمبلی میرے ساتھ ہیں، اگر محبوبہ پارٹی کو بچانا چاہتی ہیں تو انہیں کسی ذمہ دار لیڈر کو پارٹی کی کمان سونپ دینی چاہئے، ورنہ ہم الگ راستہ طے کریں گے۔

بی جے پی کو چاہئے 19 ممبران اسمبلی: جموں وکشمیر اسمبلی میں 87 سیٹیں ہیں، جس کا مطلب یہ ہوتا ہے کہ یہاں حکومت کی تشکیل کے لئے کسی بھی پارٹی کو 44 سیٹوں کی ضرورت ہوگی۔ ریاست میں بی جے پی کے پاس اس وقت 25 ممبران ہیں، اس لئے اسے حکومت بنانے کے لئے 19 اور ممبران کی ضرورت ہے۔ سجاد لون کی پارٹی پیپلز کانفرنس بی جے پی کو حمایت کررہی ہے، اس لئے پارٹی کو دو ممبران کو حمایت یہاں سے مل جائے گی، لیکن اس کے باوجود اسے 17 ممبران اسمبلی کی مزید ضرورت ہوگی۔

پی ڈی پی کے علاوہ کوئی بھی پارٹی بی جے پی کی حمایت کے لئے تیار نہیں ہے، ایسے میں اگر بی جے پی جموں وکشمیر میں حکومت بنانا چاہتی ہے تو اسے پی ڈی پی کے کم سے کم 17 ممبران اسمبلی کے باغی ہونے کی ضرورت ہوگی۔ حالانکہ جیسے جیسے دن آگے بڑھ رہا ہے، اس سے لگ رہا ہے کہ ایسا ممکن ہوجائے گا۔

ایک نظر اس پر بھی

کانگریس نے وزارت داخلہ سے سدھو کے لئے سی آئی ایس ایف کی سیکوریٹی مانگی

کانگریس نے پنجاب حکومت کے وزیر اور اسمبلی انتخابات میں پارٹی کے اسٹار پرچارک کا کردار ادا کر رہے نوجوت سنگھ سدھو پر ’’خطرات ‘‘کے پیش نظر وزارت داخلہ کی طرف سے ان کے لیے پورے ملک میں مرکزی صنعتی سیکورٹی فورس (سی آئی ایس ایف) کی سیکوریٹی فراہم کئے جانے کی اپیل کی ہے۔ پارٹی کے ...

لالو کی صحت انتہائی خراب، اٹھ بیٹھ پر بھی قادر نہیں : ریکھا دیوی 

چارہ گھوٹالے میں 14 سال قید کی سزا کاٹ رہے آر جے ڈی صدر لالو پرساد یادو کی صحت ان دنوں بہتر نہیں ہے اور وہ گزشتہ کچھ وقت سے رانچی کے ہسپتال میں داخل ہیں۔ ان سے ملنے گئیں آر جے ڈی کی ایک رکن اسمبلی نے لالو کی صحت کو لے کر جو بتایا ہے، وہ ان کے حامیوں کو فکر مند کرنے والا ہے۔ آر جے ڈی ...

عدلیہ کے مطابق میہول چوکسی صحتمند نہیں ، تین ماہ تک ہندوستان آنے کی امید نہیں 

پی این بی فراڈ کے اہم ملزم میہول ’بھائی ‘ چوکسی نے بھارت نہ لوٹنے کا نیا بہانا بنایا ہے۔ انہوں نے کہا ہے کہ وہ تین ماہ تک بھارت نہیں آ سکتے ہیں۔ ان کے وکیل نے ممبئی کی ایک عدالت کو بتایا کہ چوکسی سفر کرنے کے لئے مکمل طور پر صحت مند نہیں ہیں۔ دراصل ED نے کورٹ سے چوکسی کو ’مفرور ...

گجرات: شراب پیتے پکڑے گئے تحصیل دار، ہسپتال میں صفائی کی ملی’ سزا‘

گجرات کے بناس کانٹھا میں ڈپٹی تحصیل دارشراب پیتے پکڑے گئے،سزا کے طور پرانہیں ہسپتال میں ایک ماہ کی صفائی کی سزاسنائی گئی ہے۔ڈپٹی تحصیل دار نے صفائی کا کام بھی شروع کر دیا ہے۔دراصل ڈیسا کے سابق ڈپٹی تحصیلدار کیرتی بھائی مکوانا اور ان کے دو ساتھیوں کو 2009میں ڈیسا کے ایک گیسٹ ہاؤس ...

ایودھیا کا ماحول گرم کرنے کی کوششیں ، 10 ہزار نوجوانوں ترشول تقسیم ، ضرورت پڑنے مزید ترشول کی ہوگی تقسیم : دیویندر مشرا 

رام مندر تعمیر کے لیے آر ایس ایس سے منسلک تنظیموں نے بڑے پیمانے پر تیاری شروع کر دی ہے۔ اس کے تحت وی ایچ پی کی یوتھ وِنگ یعنی بجرنگ دل نے نئے سرے سے ترشول چلانے کی تربیت دینی شروع کر دی ہے۔ایودھیا میں متنازعہ زمین کا معاملہ بھلے ہی سپریم کورٹ میں زیر التوا ہے، لیکن آر ایس ایس ...

کانگریس نے گوکے گورنر سے اسمبلی کا خصوصی سیشن بلانے کی مانگ کی

کانگریس نے گواکے گورنرسے اسمبلی کا خصوصی اجلاس کو بلانے کی مانگ کی ہے تاکہ بی جے پی کی قیادت والی حکومت اکثریت کرسکے۔کانگریس کا دعوی ہے کہ صحت وجوہات کی وجہ سے وزیر اعلی منوہرپاریکر کی غیر موجودگی کی وجہ سے ریاستی حکومت نے اکثریت کھودی ہے۔یہاں صحافیوں سے بات کرتے ہوئے کانگریس ...