نریندر مودی گجرات میں اسرائیل کے وزیراعظم کا خیر مقدم کریں گے
نئی دہلی،16؍جنوری (ایس او نیوز؍آئی این ایس انڈیا)وزیراعظم نریندر مودی کل اسرائیل کے وزیراعظم بنجامن نیتن یاہو اورسارا نیتن یاہو کے گجرات دورے میں ان کے ساتھ شریک ہوں گے۔احمدآباد ہوائی اڈے سے سابرمتی آشرم جاتے ہوئے سارا اور نیتن یاہوکے لیے احمدآباد شہر کی طرف سے ایک استقبالیہ دیا جائے گا۔ وہ سابرمتی آشرم میں مہاتماگاندھی کو خراج عقیدت پیش کریں گے۔وزیراعظم نریندر مودی اور وزیراعظم نیتن یاہو احمدآباد میں دیو دھولرا گاؤں میں آئی کرئیٹ سینٹر کا افتتاح کریں گے۔ وہ اسٹارٹ اپ نمائش کا دورہ کریں گے اور اختراعات کرنے والے اور اسٹارٹ اپ کے سی ای اوز سے بات چیت کریں گے۔ دونوں وزرائے اعظم ویڈیو لنک کے ذریعے بناس کانٹھا ضلع کے سوئگم تعلقہ کے لئے ایک موبائل واٹر ڈی سیلینیشن وین کو قف کریں گے۔ دونوں لیڈر ایک اجتماع سے بھی خطاب کریں گے۔وزیراعظم نیتن یاہو اور وزیراعظم نریندر مودی بناس کانٹھا ضلع میں ودراد میں سبزیوں کے ایک بہترین کارکردگی کے مرکز کا بھی دورہ کریں گے۔ انہیں مرکز کے عملی منصوبے کے بارے میں تفصیل سے مطلع کیا جائے گا۔ وہ ویڈیو لنک کے ذریعے بھج ضلع میں کوکاما کے مقام پر کھجوروں کے ایک بہترین کارکردگی کے مرکز کا افتتاح کریں گے۔ دونوں وزرائے اعظم کسانوں کے ساتھ بھی گفتگو کریں گے۔بعد میں وزیراعظم بنجامن نیتن یاہو ممبئی کے لیے راونہ ہوجائیں گے۔