وزیر اعظم مودی اپنی پارٹی کو لیڈ نہیں ڈکٹیٹ کرتے ہیں: آنند شرما

Source: S.O. News Service | By Shahid Mukhtesar | Published on 10th September 2018, 12:37 PM | ملکی خبریں |

نئی دہلی ،10؍ ستمبر (ایس او نیوز؍آئی این ایس انڈیا) کانگریس لیڈر آنند شرما نے وزیراعظم نریندر مودی کومغرور قرار دیتے ہوئے کہا کہ مودی اپنی پارٹی کو لیڈ نہیں ڈکٹیٹ کرتے ہیں۔ انہیں جمہوریت کی بالکل عزت نہیں ہے۔ ہفتہ کو آنند شرما کا یہ بیان بھارتیہ جنتا پارٹی (بی جے پی) صدر امت شاہ کے ذریعہ سابق وزیراعظم ڈاکٹر منموہن سنگھ پر کی گئی تنقید کے خلاف آیا ہے۔

واضح رہے کہ بی جے پی قومی مجلس عاملہ کی دو روزہ میٹنگ میں امت شاہ نے سابق وزیراعظم منموہن سنگھ پر کئی تلخ تنقیدیں کی تھیں۔ انہوں نے کہا تھا کہ سنگھ اپنی پارٹی کو فالو کرتے تھے جبکہ مودی اپنی پارٹی کو لیڈ کرتے ہیں۔ آنند شرما نے کہا کہ وزیراعظم مودی کے مقابلہ میں منموہن سنگھ ایک بہت ہی بہتر وزیراعظم تھے۔ منموہن سنگھ قابل احترام، مہذب اور اطمینان بخش تھے۔ انہوں نے اپنے دفترکے وقار کر برقرار رکھا۔ مودی ان معاملے میں ان کے ٹھیک الٹ ہیں۔ وہ کسی کی نہیں سننا چاہتے، صرف سنانا جانتے ہیں۔

بی جے پی کی حکومت ہر مورچے پر ناکام رہی ہے۔ ملک میں موجودہ وقت میں جو بھی ماب لنچنگ، ریپ کے واقعات ہورہے ہیں اور ایک ڈر اور تشدد کا ماحول بنایا جارہا ہے وہ ملک کے لئے شرم کی بات ہے۔ وہ صرف کانگریس کی تنقید کرکے اپنی ذمہ داریوں سے نہیں بھاگ سکتے۔

ایک نظر اس پر بھی