بی جے پی کو عدم استحکام اور تشدد پھیلانے کے سوا کچھ نہیں آتا: دنیش گنڈوراؤ

Source: S.O. News Service | By Shahid Mukhtesar | Published on 27th August 2018, 11:15 PM | ریاستی خبریں |

بنگلورو،27؍اگست(ایس او نیوز) کرناٹکا پردیش کانگریس کمیٹی صدر دنیش گنڈو راؤ نے بی جے پی کو عدم استحکام ، تشدد اور نفرت کی ترجمان قرار دیتے ہوئے کہا ہے کہ ملک بھر میں تعصب اور نفرت کی فضا عام کرکے ترقی پسند افکار کے حامل شخصیتوں کو چن چن کر قتل کیا جارہا ہے۔ جب ان لوگوں کے قتل کی جانچ کی مرحلہ آتا ہے تو بی جے پی قاتلوں کو بچانے کے لئے ایڑی چوٹی کا زور لگادیتی ہے۔

انہوں نے کہاکہ ریاست کی کانگریس جنتادل (ایس) مخلوط حکومت کو غیر مستحکم کرنے کے لئے بی جے پی کی طرف سے ہر ممکن حربے آزمانے کا الزام لگاتے ہوئے دنیش نے کہاکہ یہ حربے کبھی کامیاب نہیں ہوپائیں گے۔انہوں نے کہاکہ بی جے پی میں صرف وزیر اعظم نریندر مودی مرکز اقتدار بن گئے ہیں وہاں پر ان کے علاوہ کسی کی کچھ نہیں چلتی ، جبکہ کانگریس ایک جمہوری سیاسی جماعت ہے یہاں ہر ایک سے رائے مشورے اور آپسی تال میل سے فیصلے کئے جاتے ہیں۔

انہوں نے کہا کہ ساڑھے چار سال قبل ملک کے عوام نے جس امیدکے ساتھ اقتدار سونپا تھا ان تمام پر حکومت نے پانی پھیر دیا ہے۔ لوگوں کو اچھے دنوں کے خواب دکھائے گئے اور بدلے میں انہیں بدترین دن دیکھنے کو مل رہے ہیں۔ انہوں نے کہاکہ رافیل طیارے کی خریداری میں 40ہزار کروڑ روپیوں کی دھاندلی کی گئی ہے، لیکن وزیر اعظم اس پر کچھ نہیں بولتے۔ بلدی انتخابات میں کانگریس کو زیادہ سیٹیں ملنے کی توقع ظاہر کرتے ہوئے دنیش گنڈو راؤ نے کہاکہ پارٹی کی طرف سے انتخابی مہم بڑے پیمانے پر جاری ہے۔ 

ایک نظر اس پر بھی

روشن بیگ کے خلاف کانگریس کی کارروائی، پارٹی مخالف سرگرمیوں کے الزام میں معطل

کرناٹک کے سابق ریاستی وزیر آرروشن بیگ کے خلاف کانگریس نے کارروائی کی ہے۔ انہیں پارٹی مخالف سرگرمیوں کے الزام میں معطل کردیا گیا ہے۔ روشن بیگ نے کانگریس کے ریاستی لیڈروں کے خلاف نازیبا الفاظ استعمال کئے تھے۔ آل انڈیا کانگریس کمیٹی سے منظوری ملنے کے بعد کرناٹک پردیش کانگریس ...

رہائشی علاقوں میں کاروباری سرگرمیوں پر روک لگانے میں بلدیہ ناکام

بنگلور شہر کے رہائشی علاقوں میں رہائشی عمارتوں کے اندر سے کاروباری سرگرمیوں پر قدغن لگانے کے سلسلہ میں بروہت بنگلورو مہا نگرا پالیکے (بی بی ایم پی) کی مہم مکمل طور پر ناکام رہی ہے اور پچھلے دو سالوں کے عرصہ میں بلدیہ کی طرف سے صرف پانچ فیصدی ایسے اداروں کو بند کیا گیا ہے-

ٹریفک سے بد حال بنگلوروکو میٹرو سے بڑی راحت

شہر کے راستوں کی بدحالی اور ہر جگہ ٹریفک کے اژدھام نے شہریوں کو بے بس کر رکھا ہے اور عام عوام متبادل نظام نقل و حمل کی جستجومیں لگے ہوئے ہیں اسی لئے میٹرو ریل کی خدمات روز بروز عوام میں مقبولیت حاصل کرتی جا رہی ہے-

بنگلورو کے ایک ہی علاقہ میں ڈینگو کے 47 معاملات

پچھلے کچھ ہفتوں سے اییپا نگر علاقہ کے مکین بار بار اسپتالوں کے چکر لگاتے رہے ہیں، مقامی مکینوں کی فلاحی انجمن کے مطابق پچھلے کچھ ہی دنوں کے دوران اس علاقہ میں کم از کم 47 افراد کو ڈینگو کی وجہ سے اسپتال میں داخل کیا جا چکا ہے-