مرکزی مودی حکومت عوام پرورنہیں ہے:دیوے گوڈا
بنگلورو،8؍اپریل (ایس او نیوز) وزیراعظم نریندر مودی کی زیر قیادت مرکزی حکومت سے جاری جی ایس ٹی کی وجہ سے عام عوام اور کاروباریوں کو نہایت تکلیفوں کا سامنا کرنا پڑا ہے ۔ میک ان انڈیا منصوبہ بھی کامیاب نہیں ہوا۔ ان خیالات کا اظہار سابق وزیراعظم ایچ ڈی دیوے گوڈا نے کیا۔ آج بسونگڈی اسمبلی حلقہ کے مارواڑی کمیونٹی بھون میں جین مائنارٹی ٹرسٹ کی جانب سے مشترکہ اجلاس سے خطاب کرتے ہوئے گوڈا نے کہا کہ 2014 میں مرکزی حکومت کو جو طاقت حاصل تھی اب وہ طاقت نہیں رہی ۔اب کی مرکزی حکومت عوام پرورنہیں ہے۔ عام آدمی کے مسائل کا احساس کرتے ہوئے حل کرنے کے لئے علاقائی پارٹی کی ضرورت ہے ۔ اس مرتبہ ریاستی عوام جے ڈی ایس کے حق میں ووٹ کریں گے اورجے ڈی ایس اکثریت کے ساتھ ریاست میں برسراقتدار آنے والی ہے ۔