مودی نے روانڈا میں دیہاتیوں کو 200 گائیں عطیہ کردیں
کیگالی:24/جولائی(ایس او نیوز/آئی این ایس انڈیا)وزیر اعظم مودی نے روانڈا میں دیہاتیوں کو آج 200 گائیں عطیہ کردیں۔ انہوں نے غربت میں کمی اور اطفالی غذائی قلت سے نمٹنے کے لئے ملک کے صدر خصوصی پروگرام گرینیکا کی تعریف بھی کی۔کاگمے نے سال 2006 میںیہ پروگرام شروع کیا تھا۔ اس کا مقصد ہر غریب خاندان کو غذائیت اور مالی تحفظ مہیا کرنے کے لئے اسے ایک گائے دینا ہے۔ مودی یہاں کی دو روزہ سرکاری دورے پر آئے ہیں۔ انہوں نے رویرو ماڈل گاؤں میں ایک پروگرام میں غریب خاندانوں کو یہ گائیں عطیہ میں دیں۔ اس موقع پر مودی نے حکومت کی گرنیکا پروگرام کی تعریف بھی کی۔ انہوں نے کہا کہ دور افتادہ روانڈا کے دیہات میں اقتصادی طور پر با اختیار بنانے کے طور پر گائے کو اتنی اہمیت دیتے ہوئے دیکھ کر بھارت میں بھی لوگوں کو اچھا لگے گا۔وزارت خارجہ کے ترجمان نے ٹویٹ کیا کہ روانڈا کی اقتصادی ترقی کی سمت میں ایک تغیراتی منصوبہ کا حصہ بنا، نریندر مودی نے رویرو گاؤں میں گرنیکا پروگرام کے تحت ایک گائے ہرایک غریب خاندان پروگرام کے تحت 200 گائیں عطیہ میں دیں ۔