موڈبیدرے:۲۶/ستمبر (ایس او نیوز)موڈبیدرے کے قریب موڈو کوناجے کے کوکدکٹے نامی مقام پر جئے راج نائک نامی شخص کا حال ہی میں قتل کرکے اس کی نعش  کو پاس کے ایک کنوئیں میں پھینکی گئی تھی۔ اس معاملے میں پولس نے مقتول کی بیوی اشونی (23) کو گرفتارکرلیا ہے۔ اشونی پر الزام ہے کہ اُس نے یہ قتل اپنے ایک آشنا کی مدد سے کی تھی۔ معاملے کے تعلق سے کلیدی ملزم آنند موگیر اور اس کا دوست شری پتی کو پہلے ہی گرفتار کیا گیا ہے۔

پولس کو ملی جانکاری کے مطابق13ستمبر کو  آنند موگیر کوکدکٹے میں جئے راج کے گھر گیا تھا اس وقت آنندموگیر نے جئے راج کے سرپرلوہے کی سلاخ سے زبردست حملہ کرکے  جئے راج کا قتل کیا پھر ا سکی  نعش کو اشونی کے گھر کے پیچھے والی جھاڑیوں میں چھپا دیا۔ بعد میں دیر رات جئے راج کی نعش کو  تھیلے میں باندھ کر کنوئیں میں پھینک دیا گیا ۔ نعش کو بڑے پتھر سے ایسا باندھا گیا تھا کہ وہ تیرنے نہ پائے ۔ سنیچر کو قتل کا پتہ چلا تو پولس نے قتل کے لئے استعمال کی گئی لوہے کی سلاخ اور آنند موگیر کی بائک کو اپنی تحویل میں لیا ۔ اشونی کو عدالت میں پیش کیا گیا ہے ، جہاں اس کو عدالتی تحویل میں بھیج دیا گیا ہے۔ سنیچر کو گرفتارکردہ آنند اور اس کا دوست شری پتی کو 15دن کے لئے عدالتی تحویل میں دیا گیا ہے۔

قتل کے بعد آنند موگیر جئے راج کے موبائیل سے سم کارڈ نکال لیا تھا،  کچھ دنوں بعد آنند موگیر نے اپنے دوست شری پتی سے موبائیل لے کر چوری کردہ سم کارڈ سے جئے راج کی ماں کو فون کیا۔ بتایا جارہاہے کہ فون پر بات چیت میں آنند نے عورت سے کہاکہ اس کے بیٹے نے اس سے جو قرض لیا تھا اس کا بقایا اداکرے۔ جئے راج کی ماں نے پولس تھانے میں شکایت کی ۔ پولس کی جانچ کے دوران فون کا لوکیشن سدکٹے میں دیکھا گیا، پولس نے شری پتی کو اپنی تحویل میں لے کر پوچھ تاچھ کی ۔ پوچھ تاچھ کے دوران  شری پتی نے  اپنا موبائیل آنند موگیر کو دینے کی بات قبول کی تو قتل معاملے کا پورے راز کا پتہ چل گیا۔

:SahilOnline Coastal news bulletin in URDU dated 26 September 2016