یم این ایف میزورم میں صدر راج کے مطالبہ کو لے کر صدر، وزیر اعظم کوخط لکھے گی 

Source: S.O. News Service | By Faiq Mukri | Published on 28th September 2016, 5:56 PM | ملکی خبریں |

ایجل، 28؍ستمبر(ایس او نیوز ؍آئی این ایس انڈیا )اپوزیشن میزو نیشنل فرنٹ میزورم میں قانون وانتظام کو قائم رکھنے میں کانگریس حکومت کی ناکامی کو اجاگر کرنے اور صوبے میں صدر راج نافذ کرنے کی اپیل کرتے ہوئے صدر پرنب مکھرجی اور وزیر اعظم نریندر مودی کو خط لکھے گی۔سابق وزیر اعلی جورم تھنگا نے کل نامہ نگاروں سے کہا کہ گوہاٹی ہائی کورٹ کے چیف جسٹس اجیت سنگھ نے وزیر اعلی للت نہاو لا کو لکھے خط میں میزورم کے لنگ لئی ضلع میں قانون وانتظام کے پوری طرح پٹری سے اترنے کی طرف اشارہ کیاتھا ۔جورم تھنگا نے کہاکہ جمہوریت میں تینوں ستونوں کو ایک ساتھ کام کرنا چاہیے ۔انہوں نے ساتھ ہی اس بات کی طرف اشارہ کیا کہ لنگ لئی میں عدالتی نظام نہیں ہے کیونکہ سیکورٹی وجوہات کی وجہ سے گوہاٹی ہائی کورٹ نے پورے عدالتی نظام کو ضلع سے واپس لے لیا۔سابق وزیر اعلی نے کہا کہ جمہوریت میں اگر کوئی ستون کام نہیں کرتا ہے تو ریاست میں صدر راج نافذ کرنا ہی واحد آپشن ہے۔ایم این ایف کے سربراہ نے دعوی کیا کہ اگر ان کی پارٹی کے دور حکومت میں ایسی ہی صورت حال پیدا ہوتی اور کانگریس مرکز میں اقتدار میں ہوتی تو میزورم میں فوری طورپر صدر راج نافذ کر دیا جاتا۔غورطلب ہے کہ لنگ لئی کے جوہنوئی علاقے میں لوگوں کے ایک گروپ نے گذشتہ جمعرات کو ضلع عدالت کی عمارتوں پر پتھروں اور اینٹوں سے حملہ کر دیا اور سول جج کے کی سرکاری رہائش گاہ میں لوٹ پاٹ مچائی تھی ۔اس واقعہ کے بعد اسی دن گوہاٹی ہائی کورٹ نے وہاں موجود تینوں ججوں کو واپس بلا لیاتھا ۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...