میزورم اسمبلی انتخابات: نیشنلسٹ کانگریس پارٹی نے پانچ امیدواروں کے نام کااعلان کیا
اجول:6/نومبر(ایس او نیوز/آئی این ایس انڈیا)نیشنلسٹ کانگریس پارٹی (این سی پی) نے 40 رکنی میزورم اسمبلی کے 28 نومبر کو ہونے والے انتخابات کے لئے پیر کو پانچ امیدواروں کے نام کا اعلان کیا۔این سی پی کی ریاستی یونٹ کے صدر نے کہا کہ وہ میزورم۔تریپورہ۔بنگلہ دیش سرحد پر واقع ممیت اور دمپا دونوں اسمبلی سیٹوں سے الیکشن لڑیں گے۔ سی رام کن لوواہاچیک علاقہ سے، این سی پی کی اکلوتی خاتون امیدوار لال رن پوئی ا یجوئل مشرق سے اور لال ہروئیا ا یجوئیل ل مغرب سے انتخابی میدان میں اتریں گے۔بتا دیں کہ میزورم میں اسمبلی انتخابات میں جیت کے لئے تمام سیاسی پارٹیوں نے کمر کس لی ہے۔ میزورم میں ایک ہی مرحلے میں 28 نومبر کو ووٹنگ ہوگی اور 11 دسمبر کو نتیجے آئیں گے۔ میزورم میں کل 40 اسمبلی سیٹیں ہیں۔ ریاست کی اہم پارٹی کانگریس ہے جس نے گزشتہ اسمبلی انتخابات میں سب سے زیادہ 34 نشستیں جیتی تھی۔ اس کے بعد دوسرے مقام پر میزو نیشنل فرنٹ رہی جس نے 5 سیٹوں پر قبضہ کیا تھا۔ میزورم پیپلز فرنٹ کو1 سیٹ ملی تھی۔ پچھلی اسمبلی انتخابات میں بی جے پی ریاست میں اپنا اکاؤنٹ بھی نہیں کھول پائی تھی۔