کنداپور میں جھینگا فارمنگ تالاب میں زہریلا کیمیکل ملانے سے 9ٹن جھینگے ہلاک۔ 35لاکھ مالیت کا نقصان

Source: S.O. News Service | By Shahid Mukhtesar | Published on 12th July 2018, 10:15 AM | ساحلی خبریں | ریاستی خبریں | ان خبروں کو پڑھنا مت بھولئے |

کنداپور 12؍جولائی (ایس اونیوز) کنداپور تعلقہ کے آراٹے گاؤں میں واقع جھینگا فارمنگ کے تالاب میں شرپسندوں نے رات کے وقت کوئی زہریلا مادہ ملادیا جس سے تقریباً9ٹن جھینگے ہلاک ہوگئے اورفارم کے مالک نرسمہا موگویر کو35لاکھ روپے کا نقصان اٹھانا پڑا ہے۔

موصولہ رپورٹ کے مطابق نرسمہا موگویر کے دو تالاب ہیں جس میں جھینگوں کی فارمنگ کی جاتی ہے۔ اس کی رکھوالی کے لئے اتر پردیش کے دو مزدور تعینات ہیں۔ جھینگے چونکہ کافی بڑے ہوچکے تھے اور جلد ہی انہیں نکال کر اچھی قیمت پر فروخت کیا جانے والا تھا اس لئے رات کے وقت نرسنہا موگویر خود بھی ان تالابوں کی نگرانی کیا کرتا تھا۔ اتوارکی رات کو اس نے 12.30بجے تک تالابوں کے اطراف چکر لگانے کے بعد فارم کے کنارے بنے شیڈ میں آکر آرام کیا۔ لیکن صبح ساڑھے چار بجے کے قریب اسے تالاب کے اندر کوئی پلاسٹک کا ڈبّہ تیرتا ہوا دکھائی دیا۔ اس نے فوری طور پر دوسرے چوکیداروں کو جگایا اور پانی سے ڈبّہ باہر نکال کر دیکھا تو اس میں سے کسی کیمیکل کی بو آرہی تھی۔ اسی دوران جھینگے فارم میں موجود ادھ مری حالت میں پانی کی اوپری سطح پر تیرنے لگے۔ اس کے بازو میں موجود دوسرے تالاب کی جانچ کی گئی تو وہاں پر بھی اسی قسم کا پلاسٹک ڈبّہ موجود تھااور وہاں پر جھینگے مرنے لگے تھے۔ دیکھتے ہی دیکھتے دونوں تالابوں کی سطح پر مرے ہوئے جھینگوں کا ڈھیر لگ گیا۔ 

بتایا گیا  ہے کہ ایسا واقعہ یہاں پہلی بار نہیں ہوا ہے۔بلکہ اس سے پہلے بھی شرپسندوں نے تالاب میں کیمیکل ملانے کی کوشش کی تھی جس سے ذرا کم مقدار میں جھینگے ہلاک ہوئے تھے۔ مگر اس بار نرسمہا موگویر کے دونوں تالابوں کی پوری کھیپ برباد ہوگئی ہے ۔نرسمہاکا کہنا ہے کہ اس نے اپنے بیوی کے زیورات گروی رکھ کر قرضہ حاصل کرتے ہوئے جھینگا فارمنگ میں پوری پونجی لگائی تھی اور چند ہی دنوں میں اسے اپنی محنت کا بھرپور پھل ملنے کی امید تھی۔اس نے شک ظاہر کیا کہ اس کے پارٹنر کے ساتھ مالی معاملات میں جو ان بن ہوئی تھی اس کی وجہ سے یہ حرکت اس کے پارٹنر نے ہی نقصان پہنچانے کی نیت سے کی ہوگی ۔

گنگولی پولیس اسٹیشن میں اس تعلق سے شکایت درج کردی گئی ہے اور پولیس معاملے کی تحقیقات میں لگ گئی ہے۔

ایک نظر اس پر بھی

بھٹکل میں سمندری سیپی کھانے سے بیمار ہونے کا سلسلہ جاری : 100سے زائد لوگ بیمار ہونے پر تحصیلدار اسپتال پہنچ کر کیا معائنہ

تعلقہ میں سمندری سیپی کے کھانے سے بیمار ہونےکا سلسلہ جاری رہنے سے عوام خوف و ہراس  میں مبتلا ہیں۔ اتوار کو تعلقہ میں 100سے زائد لوگ سیپی کھانے سے بیمار ہو کر اسپتال میں داخل ہونے کا پھر واقعہ پیش آیا ہے۔

بھٹکل کارگیدے مسجد مزمل کے سامنے سڑک کی تعمیر کو لے کر علاقہ کے عوام کی رکن اسمبلی سنیل نائک سے ملاقات

  کارگیدے مسجد مزمل کے سامنے پکی سڑک کی  تعمیر کو لے کر علاقہ کے عوام نے بھٹکل رکن اسمبلی سنیل نائک سے ملاقات کی اور سڑک کی خستہ حالی  سے اُنہیں واقف کراتے ہوئے  اوپری حصہ کی طرف زیرتعمیر سڑک کو آگے بڑھاتے ہوئے مسجد مزمل اور اس سے نیچے تک توسیع دینےکی اپیل کی۔

شرالی قومی شاہراہ توسیع کا دھرنا تیسرے دن بھی جاری :  ضلع انتظامیہ کو  شاہراہ  تعمیر کا اختیار   نہیں : ایڈیشنل ڈی سی

شرالی میں گرام پنچایت کی قیادت میں 45میٹر کی توسیع والی شاہراہ تعمیر  کو لے کر  جاری دھرنے کے تیسرے دن کی دوپہر اترکنڑا ضلع ایڈیشنل ڈی سی ڈاکٹر سریش ہٹنال احتجاجیوں سے ملاقات کرتے  نیشنل ہائی وے اتھارٹی آف انڈیا کے حکم کے بنا ضلع انتظامیہ کچھ کرنا ممکن نہیں ہونے کی وضاحت کی۔ ...

’ پاکستان زندہ باد‘کے نعرے لگانے پرہاویری میں ایک شخص کو عوام نے پیٹا۔ بیلگاوی میں ٹیچرکا گھر نذرآتش۔ رائچور میں ہنگامہ

کشمیر کے پلوامہ میں دہشت گردانہ حملے میں ہلاک ہونے والے فوجیوں کو خراج عقیدت اور ان کے اہل خانہ کے ساتھ اظہار ہمدردی کے لئے دیوگیری کے عوام نے ایک مشعل بردار جلوس نکالاتھا

رائے دہندگان کی سہولت کیلئے انتخابی کمیشن سے الیکشن ایپ جاری منصفانہ انتخابات کو یقینی بنانے کیلئے تربیت یافتہ خصوصی ٹیمیں تشکیل:منجوناتھ

بنگلورو شہری ضلع کے انتخابی افسر و بروہت بنگلور مہا نگر پالیکے ( بی بی ایم پی) کمشنر منجوناتھ پرساد نے بتایا کہ آنے والے لوک سبھا انتخابات کے دوران ووٹروں کی سہولت کیلئے انتخابی کمیشن نے ’’الیکشن ایپ‘‘ جاری کیا ہے ۔

کانگریس سے کبھی علاحدگی اختیار نہیں کریں گے۔رمیش وناگیندرا

تقریباً 2؍ ماہ تک پارٹی لیڈروں سے رابطہ قائم کئے بغیر دور رہے کانگریس کے برگشتہ اراکین اسمبلی رمیش جارکی ہولی اور بی ۔ناگیندرا واپس آچکے ہیں۔انہوں نے کانگریس لیجسلیٹرز پارٹی لیڈر وریاستی مخلوط حکومت کی کو آرڈنیشن کمیٹی کے چیرمین سدارامیا سے ملاقات کرتے ہوئے پارٹی میں ہی ...

بھٹکل کارگیدے مسجد مزمل کے سامنے سڑک کی تعمیر کو لے کر علاقہ کے عوام کی رکن اسمبلی سنیل نائک سے ملاقات

  کارگیدے مسجد مزمل کے سامنے پکی سڑک کی  تعمیر کو لے کر علاقہ کے عوام نے بھٹکل رکن اسمبلی سنیل نائک سے ملاقات کی اور سڑک کی خستہ حالی  سے اُنہیں واقف کراتے ہوئے  اوپری حصہ کی طرف زیرتعمیر سڑک کو آگے بڑھاتے ہوئے مسجد مزمل اور اس سے نیچے تک توسیع دینےکی اپیل کی۔

بھٹکل میں مجلس اصلاح وتنظیم کی جانب سے پلوامہ دہشت گردانہ حملہ کی کڑی مذمت: تحصیلدار کی معرفت وزیراعظم کو میمورنڈم ؛کڑی کارروائی کا مطالبہ

کشمیر کے پلوامہ میں دہشت گردانہ حملے کی کڑی مذمت کرتے ہوئے مجلس اصلاح وتنظیم بھٹکل نے تحصیلدار کی معرفت وزیر اعظم نریندر مودی کو اپیل سونپتے ہوئے دہشت گردی کا کرار ا جواب دینے کا مطالبہ کیا۔