ریاستی وزیر ضمیر احمد خان کادورہ ء کورگ اپنے صرف خاص سے ضروری اشیاء فراہم کیں۔متاثرین کے ساتھ اظہارہمدردی
میسورو،26 اگست (ایس او نیوز)مسلسل بارشوں کی وجہ سے کورگ ضلع میں کافی نقصانات ہوئے ہیں۔ کئی ہزار افراد سیلاب زدہ علاقوں میں پھنسے ہوئے ہیں۔ راحت کاری کے لئے فوج اور نیم فوجی دستے کو بھی طلب کرلیا گیا ہے۔ اورکور گ ضلع میں کئی علاقوں میں ضلع انتظامیہ اورکئی رضاکار انجمنوں کی جانب سے ریلیف کیمپ قائم کئے ہیں ۔
ریاستی وزیر برائے فوڈ اینڈ سیول سپلائز ، اوقاف، حج اور اقلیتی بہبود بی زیڈ ضمیر احمد خان ، رکن راجیہ سبھا کے سی رام مورتی اپنے چند رفقاء کے ہمراہ کل بروز ہفتہ کورگ ضلع کے مڈکیری پہنچے، اس موقع پر ضمیر احمد خان نے محکمہ فوڈ ااینڈ سیول سپلائز کی جانب سے سیلاب کے متاثرین میں 50ہزار فوڈ پکیٹس تقسیم کئے ۔ یہ فوڈ پکیٹس راشن ڈپوؤں کے ذریعہ کورگ ضلع کے عوام تک پہنچائے جائیں گے۔سیلاب متاثرین کے لئے تقسیم کئے جانے والے فوڈ کٹ میں 10کے جی چاول، ایک کے جی شکر، ایک کے جی تور دال، ایک لیٹر ریفائنڈ آئیل، پانچ لیٹر کیروسین کا تیل شامل ہے، جو تمام متاثرین کو راشن ڈپوؤں، ضلع پنچایت اور تعلقہ کے ذریعہ مفت تقسیم کئے جارہے ہیں ۔
ضمیر احمد خان نے اپنے صرف خاص سے ضروری اشیاء سے بھرا ایک ٹرک بنگلور سے لاکر کورگ ضلع کی ڈپٹی کمشنر سری ودھیا کے حوالے کیا اورمتاثرین میں تقسیم کی ہدایت دی۔ اس ٹرک میں پانچ ہزار بلانکیٹس ، تین ہزار نائٹیس، دو ہزار مگس، شامل ہیں ۔ یم یل سی وینا آچیا، رکن پارلیمان ( راجیہ سبھا ) کے سی رام مورتی ، بی بی یم پی کے نامزد کارپوریٹر مجاہد، شکیل نواز ، محکمہ فوڈ کے کمشنر مسٹر کمار وغیرہ اس موقع پر موجود تھے۔ حالات کا جائزہ لینے کے کے پی سی سی کی جانب سے تشکیل کردہ ایک کمیٹی کا اجلاس منعقد کیا گیا ۔ جس کی صدارت کمیٹی کے چیرمین و رکن پارلیمان ( راجیہ سبھا ) کے سی رام مورتی نے کی ۔ ضمیر احمد خان نے کی، کمیٹی کے رکن مہروز خان ، یم سی نانیا ، یم یل سی وینا ماچیا کورگ ضلع کے کانگریس کے صدر، تمام بلاک کے صدور ، کے پی سی سی ممبر شاہد دیگر کانگریسی قائدین اس اجلاس میں شریک رہے اور حالات کا جائزہ لیا۔ اشیاء کی تقسیم کے تعلق سے تفصیلات حاصل کیں۔ اور کورگ ضلع کی ڈپٹی کمشنر سے ملاقات کرکے بات کی ۔مڈکیری کو پہنچنے سے پہلے ضمیر احمد خان نے پریا پٹنہ میں سابق ریاستی وزیر و سابق رکن اسمبلی کے وینکٹیش سے ملاقات کی اور پریا پٹنہ منسپل کونسل کے انتخابات میں حصہ لے رہے کانگریسی امیدواروں کے حق میں انتخابی مہم میں حصہ لیا اور ایک انتخابی جلسہ سے خطاب بھی کیا۔