کشمیر:دہشت گردوں نے چھٹی پر آئے سی آر پی ایف جوان کا گولی مار کر کیا قتل
سری نگر،30جولائی(ایس او نیوز؍آئی این ایس انڈیا)جموں و کشمیر کے پلوامہ میں دہشت گردوں نے سی آر پی ایف کے ایک جوان کو گھر میں گھس کر قتل کر دیا۔ مارے گئے جوان کا نام نصیر احمد رادر ہے۔ وہ چٹی پر گھر آئے ہوئے تھے۔ خبر کے مطابق دہشت گردوں نے نیرا پلوامہ میں ان کے گھر میں گھس کر نصیر کو گولی ماری۔ فورا انہیں زخمی حالت میں پلوامہ کے ضلع اسپتال لے جایا گیا جہاں انہیں مردہ قرار دے دیا گیا۔ نصیر کشمیر میں سی آر پی ایف کی 182 بٹالین کے ساتھ پلوامہ میں ہی تعینات تھے۔
واضح ہو کہ گزشتہ کچھ دنوں میں ہی کشمیر میں یہ چوتھے سکیورٹی اہلکار کا قتل ہے۔ دہشت گرد اب کشمیر کے رہنے والے سکیورٹی اہلکاروں کو اپنا نشانہ بنا رہے ہیں۔
عید سے پہلے دہشت گردوں نے فوج کے رائفل مین اورنگ زیب کو اغوا کرنے کے بعد ان کا قتل کر دیا تھا۔ علاوہ ازیں شوپیاں میں چھٹیوں پر آئے ہوئے پولیس اہلکار جاوید احمد ڈار کو ان کے گھر کے پاس سیاغوا کر کے ان کا قتل کر دیا گیا تھا۔