جنوبی کینرا میں طلبہ کی مڈ ٹرم چھٹیوں میں ایک ہفتے کی تخفیف

Source: S.O. News Service | By Shahid Mukhtesar | Published on 5th September 2018, 1:12 PM | ساحلی خبریں |

منگلورو5؍ستمبر (ایس او نیوز)محکمہ تعلیمات عامہ کے ڈپٹی ڈائریکٹر جنوبی کینرا کی طرف سے جاری اعلامیہ کے مطابق پچھلے دنوں مسلسل برسات کی وجہ سے تعلیمی اداروں کو جو چھٹیاں دی گئی تھیں اس کی بھرپائی کے لئے اکتوبر میں دی جانے والی مڈ ٹرم چھٹیوں میں ایک ہفتے کی تخفیف کردی گئی ہے۔

اس سے قبل جاری کیے گئے تعلیمی کیلنڈر کے مطابق یہ چھٹیاں 7اکتوبر سے 21اکتوبر تک ہونے والی تھیں۔ اب ضلع کے تمام بلاک ایجوکیشن آفیسرز کو بھیجے گئے نئے سرکیولر کے مطابق پرائمری اور ہائی اسکولوں میں مڈ ٹرم یا دسہرے کی چھٹیاں 14اکتوبر سے 21اکتوبر تک چلیں گی۔سرکیولر میں کہا گیا ہے کہ ستمبر کے پورے مہینے میں مسلسل پڑھانے لکھانے کا کام کیا جائے اور چھٹیوں کے نئے ایام کو سامنے رکھتے ہوئے مڈ ٹرم امتحانات کا شیڈول بنایا جائے۔

دوسری طرف اڈپی ضلع کے ڈی ڈی پی آئی نے اسکول والوں سے درخواست کی ہے کہ بارش کی وجہ سے تین دن کی مسلسل چھٹیاں جو دی گئی تھیں انہیں دوسری چھٹیوں کے ساتھ کسی طرح ایڈجسٹ کرلیا جائے یا پھر سنیچر کے دن دوپہر کو بھی کلاسس جاری رکھتے ہوئے نصاب کو پوراکرنے کی کوشش کی جائے۔

ایک نظر اس پر بھی

منجیشور میں چرچ پر حملے کے خلاف 25اگست کو ہوگی عیسائی تنظیموں کی زبردست احتجاجی ریالی

حال ہی میں منجیشور میں آور لیڈی آف مرسی چرچ پر جو حملہ ہوا تھا اس کے خلاف عیسائی تنظیموں کی جانب سے کیتھولک سبھا کاسرگوڈ زون کے پرچم تلے25اگست کو ایک زبردست احتجاجی ریالی منعقد کی جارہی ہے۔

منگلورو میں ایک بدنام زمانہ دھوکے باز کشمیری اور اس کا ساتھی گرفتار

منگلورو سٹی پولیس کمشنرنے ایک پریس کانفرنس کے دوران بتایا ہے کہ برکے پولیس اسٹیشن کے حدود میں ایک بدنام زمانہ کشمیری دھوکے باز اور اس کے ڈرائیور کو گرفتار کرلیا ہے جس کے بارے میں شبہ ہے کہ وہ بھی کشمیری دھوکے باز کا ساتھی ہوسکتا ہے۔

بھٹکل میں دوبارہ موسلا دھار بارش : شرالی میں گھر کو نقصان

جولائی اور اگست کے وسط تک برسی موسلادھار بارش کے بعد تھوڑی سی راحت ملنےکے بعد پھر سے بارش اپنی رفتار پکڑتی نظر آرہی ہے۔ پچھلے دودنوں سے  برسی بارش کی وجہ سے شرالی میں دیوار گرنےسے گھر کو کافی نقصان پہنچنےکا واقعہ پیش آیاہے۔

بھٹکل سرکاری فرسٹ گریڈ ڈگری کالج میں لکچررس اور عملہ کے تبادلے پر روک: رکن اسمبلی سنیل نائک

بھٹکل تعلقہ کی سرکاری ڈگری کالج میں لکچررس اور عملہ کی قلت ہے۔ یہاں سے جو کوئی کسی دوسرے مقام پر تبادلہ ہوکر گئےہیں انہیں واپس لانے کےلئے ضروری اقدامات کئے جانے کی رکن اسمبلی سنیل نائک نے جانکاری دی۔

شیرور کے کلسٹرل لیول پرتیبھا کارنجی مقابلہ جات میں  توحید پبلک اسکول کے طلبا کا بہترین مظاہرہ

گورنمنٹ ماڈل ہائر پرائمری اسکول شیرور اور محکمہ تعلیمات عامہ بیندور کے اشتراک سے منعقدہ کلسٹر لیول پرتیبھا کارنجی ثقافتی مقابلہ جات  میں توحید پبلک اسکول شیرور کے طلبا نے بہترین مظاہرہ پیش کرتےہوئے 7مقابلہ جات میں اول ، 6میں دوم اور دو مساہموں نے تیسرامقام حاصل کرتےہوئے ...