میکسیکو: ایوارڈ یافتہ نامہ نگارکا قتل

Source: S.O. News Service | By Sheikh Zabih | Published on 16th May 2017, 7:16 PM | عالمی خبریں | ان خبروں کو پڑھنا مت بھولئے |

میکسیکوسٹی،16مئی(ایس ا و نیوز/آئی این ایس انڈیا)ایوارڈ یافتہ صحافی ہاویئر والدیس کو میکسیکو کی مغربی ریاست میں قتل کر دیا گیا ہے۔منشیات کی اسمگلنگ اور منظم جرائم سے متعلق خبروں کے ماہر والدیس کو پیر کو کولیاکین شہر میں نامعلوم مسلح افراد نے فائرنگ کر کے ہلاک کیا۔ یہ صحافی اپنے کام کے سلسلے میں یہاں مقیم تھے۔منشیات کی اسمگلنگ سے متعلق خبر نگاری پر 50 سالہ والدیس کو 2011ء میں کمیٹی ٹو پروٹیکٹ جرنلسٹس (سی پی جے) نے انٹرنیشنل پریس فریڈم ایوارڈ دیا تھا۔وہ قومی اخبار ’’ لا ہورنادا‘‘ کے لیے نامہ نگار اور ایک معتبر ادارے ریوڈوس پبلکیشنز کے بانی تھے۔ وہ کئی کتابوں کے مصنف بھی تھے۔والدیسمارچ سے لے کر اب تک میکسیکو میں قتل ہونے والے چھٹے صحافی بتائے جاتے ہیں۔
صدر اینرک پینا نیئٹو نے اس قتل کو بہیمانہ جرم قرار دیتے ہوئے اس کی شدید مذمت کی ہے۔ٹوئٹر پر صدر کا کہنا تھا کہ "میں آزادی صحافت، اظہار رائے اور ہماری جمہوریت کے بنیادی اصولوں کے لیے اپنے عزم کا اعادہ کرتا ہوں۔میکسیکو میں مقامی صحافیوں کو عموماً ان علاقوں میں نشانہ بنایا جاتا ہے جہاں قانون کی حکمرانی کمزور ہے، لیکن اس کے علاوہ نامور صحافیوں کو بھی قتل کرنے کے واقعات بھی سامنے آتے رہتے ہیں۔ 2012ء میں صحافی راجینا مارٹینز پیریس کو بھی قتل کیا گیا تھا۔گزشتہ ہفتے ہی ملک کے جنوبی علاقے گوئریرو کی ایک مرکزی شاہراہ پر لگ بھگ ایک سو مسلح افراد نے سات صحافیوں کو زدوکوب کیا اور انھیں لوٹ لیا تھا۔

ایک نظر اس پر بھی

شام: یرموک کیمپ میں 24 گھنٹوں کے دوران 5 افراد جاں بحق

شام کے دارالحکومت دمشق کے جنوب میں داعش تنظیم کے زیر قبضہ الیرموک کیمپ اور دیگر ملحقہ علاقوں پر بشار کی فوج کی بم باری اور گولہ باری کے نتیجے میں گزشتہ 24 کے دوران پانچ افراد جاں بحق ہو گئے جن میں تین افراد کا تعلق ایک ہی خاندان سے ہے۔

بھٹکل رکن اسمبلی کی کار روک کر بی جےپی کارکنان نے کی نعرے بازی

پیر کو جب دوحریف سیاسی پارٹیوں کے امیدوار پرچہ نامزدگی داخل کرنےکے دوران کچھ انہونی واقعات پیش آئے ۔ کانگریس امیدوار منکال وئیدیا اے سی دفتر میں پہلے پہنچ کر اپنا پرچہ داخل کرنےمیں مصروف تھے تو اسی وقت بی جے پی امیدوار سنیل نایک بھی اپنےلیڈران کے ساتھ پرچہ داخل کرنے کے لئے ...

بھٹکل بی جےپی میں عدم اطمینانی کا دور : امیدوار کے پرچہ نامزد گی کے دوران اہم اور سنئیر لیڈران غائب

پیر کو بی جے پی امیدوار سنیل نائک جب پرچہ نامزدگی کے لئے ہزاروں حمایتوں کے ساتھ روڈ شو کرتے ہوئے نکلے تو سابق وزیر اور بی جے پی لیڈران شیوانند نائک، سابق رکن اسمبلی جے ڈی نائک، بھٹکل کے ہندو برانڈ لیڈر ،بی جےپی ضلع نائب صدر گوند نائک کا نظر نہیں آنااورپروگرام کے بالکل آخر میں ...

بھٹکل رکن اسمبلی منکال وئیدیا اور بی جے پی امیدوار سنیل نائک دونوں کروڑوں جائیداد کے مالک

ریاست کے مختلف مقامات پر وزراء اور ارکان اسمبلی کی جائیداد میں دوگنا ، تگنا اضافہ ہواہے تو بھٹکل کے رکن اسمبلی منکا ل وئیدیا اپنی ذاتی سواریوں ، ڈامبر پلانٹ، ٹپر ، ہٹاچی وغیرہ کو فروخت کرتے ہوئے اپنی جائیداد میں 57،85410 روپئے کا اضافہ کر لیا ہے۔

اننت کمارہیگڈے کو فون پر ملی جان سے مارنے کی دھمکی۔سرسی پولیس اسٹیشن میں شکایت درج

مرکزی وزیر برائے اسکل ڈیولپمنٹ اننت کمار ہیگڈے کو مبینہ طور پرکسی نے انجان نمبر سے فون کرکے جان سے مارنے کی دھمکی دی ، جس کے تعلق سے اننت کمار کے پرسنل اسسٹنٹ سریش شیٹی نے سرسی ٹاؤن پولیس اسٹیشن میں شکایت درج کروائی ہے۔