بی جے پی کاجھنڈاتھامے بدمعاشوں نے وزیراعلیٰ نوین پٹنایک کے سیکرٹری کے گھر پرکیاحملہ،4 افرادگرفتار
کٹک160،11فروری(ایس او نیوز؍آئی این ایس انڈیا)بھارتیہ جنتا پارٹی (بی جے پی) کا پرچم تھامے کچھ بدمعاش اڑیسہ میں وزیر اعلی نوین پٹنائک کے دفتر میں تعینات ایک سینئر آئی اے ایس افسر کے یہاں واقع رہائشی کمپلیکس میں آج گھس گئے اور توڑ پھوڑ کرنے لگے۔ پولیس کمشنر وائی بی کھورانیا نے بتایا کہ واقعے کے بعد چار افراد کو گرفتار کیا گیا ہے۔ بدمعاش وی کے پانڈین کے سرکاری کواٹر میں گھس گئے اور پھولدان کو نقصان پہنچایا۔ پانڈین وزیر اعلی نوین پٹنایک کے پرسنل سیکریٹری ہیں۔ رپورٹ کے مطابق پولیس نے کہا کہ بدمعاشوں نے گھر کے مرکزی دروازے میں گائے کاگوبربھی پھینکا اور الزام لگایا کہ افسران حکمراں بی جے ڈی کے لئے کام کر رہے ہیں اور سیاسی معاملات میں مداخلت کررہے ہیں۔گھر کے ایک ملازم نے دعویٰ کیاکہ حملہ آوروں نے خود کو بی جے پی کا کارکن بتایا اور وہ پارٹی کے جھنڈے اور تختے تھامے ہوئے تھے۔ انہوں نے ان پر حملہ کیا اور اس عمارت میں کھڑی کچھ گاڑیوں اورپھولدان کونقصان پہنچایا۔آئی اے آفیسرکا فوری تبصرہ نہیں مل سکا، جبکہ پولیس کمشنر نے سرکاری عہدیدار کے گھر پر حملے کوسنگین مسئلہ بتایااورکہاکہ اس کی مذمت کی جانی چاہئے۔ کھرانیا نے کہا کہ یہ برداشت نہیں کیا جائے گا اور سخت کارروائی کی جائے گی۔