محمد میراں سعدا خلیفہ جماعت المسلمین کے نئے جنرل سکریٹری منتخب
بھٹکل 6/ستمبر (ایس او نیوز) جناب محمد میراں سعدا مرکزی خلیفہ جماعت المسلمین بھٹکل کےنئے جنرل سکریٹری اور جناب محمد ہاشم کولا محاسب کے طورپر منتخب کئے گئے ہیں۔ ان دونوں کا انتخاب آج جمعرات شام کو منعقدہ میٹنگ میں بالاتفاق رائے کیا گیا۔
خیال رہے کہ جناب عسکری حمیداللہ صاحب کے انتقال کے بعد خلیفہ جماعت میں جنرل سکریٹری کا عہدہ خالی ہوگیا تھا، جبکہ سابق محاسب جناب شاہ بندری اسماعیل چڈوباپا نے اپنی ذاتی مجبوری کے تحت استعفیٰ دینے کے بعد محاسب کا عہدہ بھی خالی تھا، آج ہوئی میٹنگ میں دونوں عہدوں کو پُر کیا گیا ہے۔
جناب محمد میراں سعدا، اس سے قبل سکریٹری کے عہدہ پر فائز تھے، اُن کے جنرل سکریٹری منتخب ہونے کے بعد اب سکریٹری کا عہدہ خالی ہوگیا ہے، اگلی میٹنگ میں نئے سکریٹری کا انتخاب کئے جانے کی توقع ہے۔