بھٹکل: جنتاودیالیا شرالی میں ادویہ پودوں کے متعلق جانکاری پروگرام
بھٹکل: 31؍اکتوبر (ایس او نیوز) لائنس کلب مرڈیشور، اے ایف آئی بھٹکل ، جنتا ودیا لیا پی یوکالج شرالی اور ارونودیا ڈے کیئر سنٹر بستی کے اشتراک سے شرالی کے جنتا ودیالیا میں جانکاری برائے ادویہ پودے اور رعایتی قیمت پر پودوں کی فروخت کاری پروگرام منعقد ہوا۔
لائنس کلب مرڈیشور کے صدر ناگراج بھٹ نے پروگرام کا افتتاح کرنے کے بعدپروگرام کی غرض وغایت بیان کرتے ہوئے کہاکہ آیوروید پودوں کی اہمیت اور صحت کے تحفظ کے متعلق عوامی بیداری پیدا کرنا اس پروگرام کا اہم مقصد ہے۔ مشہور آیوروید ماہر ڈاکٹر شری دھر بائری نے آیورویدیک پودوں اور دوائیو ں پرروشنی ڈالتے ہوئے کہاکہ ہمارے معاشرے میں اگنے والے آیوروید ادویہ پودے ، صحت کی حفاظت میں اہم رول ادا کرتے ہیں۔ اسی طرح سبزیوں اور ترکاریوں کے متعلق جانکاری دی ۔ تعلقہ کے مختلف مقامات سے 250سے زائد افراد نے ورکشاپ میں شرکت کی ۔ صنعت کار ڈی جے کامت نے پروگرام کی صدارت کی۔ لائنس کے ڈائرکٹر ڈاکٹر سنیل جتن نے استقبال کیا۔ آر وی صراف ، ڈاکٹر وادی راج بھٹ، جنتا ودیالیاکے پرنسپال رام رتھ اے بی ، منجوناتھ نائک ڈائس پر موجود تھے۔ لائنس ممبر کرشنا ہیگڈے نے نظامت کی۔ لائنس کلب مرڈیشور کے گوریش نائک ، منجوناتھ دیواڑیگا ، شیوانند دئیمنے ، دیانند، گجانن بھٹ، ڈاکٹر ہری پرساد کنی ، اے این شٹی ، وشوناتھ کامت وغیرہ موجود تھے۔