بھٹکل تعلقہ کے معذور بچوں کا طبی معائنہ کیمپ

Source: S.O. News Service | By I.G. Bhatkali | Published on 13th August 2017, 1:42 AM | ساحلی خبریں |

بھٹکل 12؍اگست (ایس او نیوز)بھٹکل تحصیلدار کی طرف سے فراہم کردہ اطلاع کے مطابق تعلقہ کے 6سے 16سال کے درمیانی عمر کے خاص( جسمانی معذور) بچوں کا طبی معائنہ کیمپ سرکاری ہائر پرائمری ماڈل اسکول شیرالی میں منعقد کیا گیا ۔

صبح 10بجے سے سائیل گومز نامی معذور بچے کی دعا کے ساتھ کیمپ کا آغاز ہوا۔ افتتاحی اجلاس میں بی آر سی کوآرڈینیٹرشریمتی یلّما نے کلیدی خطاب کرتے ہوئے استقبال کیا۔ایم ایل اے منکال ویدیا نے دیپ جلاکر پروگرام کا افتتاح کیا۔انہوں نے کہا کہ خصوصی توجہ کے مستحق (معذور) بچوں کے لئے حکومت نے بہت ساری اسکیمیں جاری کی ہیں جنہیں مستحق افراد تک پہنچانا ضروری ہے۔انہوں نے محکمہ کی طرف سے منعقد کیے گئے اس مفید کیمپ کی سراہنا کرتے ہوئے خصوصی بچوں کے والدین سے گزارش کی کہ اس سے پوری طرح فائدہ اٹھائیں۔

اس موقع پر مہمان خصوصی کی حیثیت سے تشریف لانے والے شیرالی پنچایت کے صدر وینکٹیش نائک نے خطاب کیا۔ بلاک ایجوکیشن افیسر وینکٹیش پٹگار نے اپنے خطاب میں کہا کہ معذور بچے کو بھی عام بچوں کی طرح زندگی کی تمام سرگرمیوں میں حصہ لینے کے قابل بنانا اور انہیں اس کے مواقع فراہم کرناوالدین اور اساتذہ کی ذمہ داری ہے۔انہوں نے امید ظاہر کی کہ اس کیمپ کے ذریعے یہ مقصد پورا کرنے میں مدد ملے گی۔بھٹکل تعلقہ پنچایت اسٹانڈنگ کمیٹی کے صدر وشنو دیواڈیگا نے بھی حاضرین سے خطاب کیا۔جلسے کی صدارت تعلقہ پنچایت نائب صدر رادھا وئیدیا نے کی ۔

اس موقع پر طبی ماہرین کے بطورشرکت کرنے والے ڈاکٹر دینکر،ڈاکٹر سرویش کے علاوہ تعلقہ میڈیکل اسسٹنٹ ایرئیا دیواڈیگا،پرائمری ٹیچرس ایسو سی ایشن کے صدر شنکر نائک،شیرالی اسکول کے ہیڈ ماسٹر شریدھر موگیراور ایس ڈی ایم سی صدر راجیش دیواڈیگا اسٹیج پر موجود تھے۔

ایک نظر اس پر بھی

بی جے پی کارکن کے قتل پر چکمگلور میں حالات کشیدہ 

چکمگلور ٹاؤن میں حالات اس وقت کشیدہ ہوگئے جب بھارتیہ جنتاپارٹی (بی جے پی) کے سٹی یونٹ جنرل سکریٹری محمد انور کو قتل کردیا۔ انور کے بھائی عبدالکبیر کی جنانب سے داخل کردہ ایف آئی آر کے مطابق انور بی جے پی لیڈر رگھوناتھ کے مکان سے واپس لوٹ رہاتھا کہ دو نامعلوم افراد نے ان پر تیز ...

کاسرگوڈ: ٹرین کی زد میں آکر 3سالہ معصوم ہلاک۔ 5سالہ بھائی کی حالت سنگین

کُمبلے میں پیش آنے والے ایک المناک حادثے میں ریلوے ٹریک کے قریب واقع اپنے گھر سے باہر نکلے ہوئے دو معصوم بچے میں ٹرین کی زد میں آگئے جس کی وجہ سے بلال(3سال) کی موت واقع ہوگئی ، جبکہ اس کے دوسرے بھائی اسماعیل(5سال) کوسنگین زخمی حالت میں منگلورو کے ایک اسپتال میں داخل کیا گیا ہے۔

بھٹکل انجمن انجینرنگ کالج کی طالبہ کا میتھس سبجیکٹ میں لگاتار تین سمیسٹرس میں سو فیصد مارکس

بھٹکل انجمن انجینرنگ کالج کی چوتھے سمیسٹر میں زیرتعلیم  طالبہ سنیہا پی نائک  نے لگاتار تین سمیسٹرس میں میتھس سبجیکٹ میں سو نمبرات میں پورے سو نمبرات حاصل کرتے ہوئے نہ صرف کالج میں اول نمبر سے کامیاب ہوئی ہیں بلکہ یونیورسٹی لیول پر بھی اول مقام حاصل کیا ہے

کمٹہ میں تیز رفتار کار کی پولس کرین سے ٹکر؛ ایک خاتون جاں بحق، کئی زخمی

ضلع اُترکنڑا کے  کمٹہ میں ایک تیز رفتار کار ۔ پولس کرین سےٹکراگئی جس کے نتیجے میں کار پر سوار ایک خاتون موقع پر ہی جاں بحق ہوگئی، جبکہ کار پرسوارتین لوگوں کو شدید چوٹیں آئی ہیں۔ حادثہ آج اتوار صبح کمٹہ تعلقہ کے  دیوگی پنچایت حدود کے  تندراکولی نیشنل ہائی وے 66 پر پیش آیا۔

کنداپور میں بے قابو پٹرول ٹینکر سڑک کنارے واقع گھر کے آنگن میں گھس پڑا

ککنجے کراس پر ایک پٹرول ٹینکر بے قابو ہونے اور سڑک کنارے واقع گھر کے آنگن میں گھس پڑنے کا واقعہ پیش آیا ہے۔اطلاع کے مطابق پٹرول سے بھرا ہوا ٹینکر منگلورو سے شیموگہ کی طرف جارہاتھاکہ ہالاڈی کے پاس اچانک ڈرائیور اس پر قابو کھو بیٹھا اور سڑک کنارے پرموجودسبریا اچار نامی شخص کے ...