بھٹکل انجمن انجنئیرنگ کالج میں شعبہ میکانیکل انجنئیرنگ کے طلبا کونسل کا افتتاح
بھٹکل:15/اکتوبر(ایس اؤ نیوز) انجمن انسٹی ٹیوٹ آفٹکنالوجی اینڈ مینجمنٹ بھٹکل کے شعبہ میکانیکل انجنئیرنگ کے زیر اہتمام ’’ میکانیکل اسٹوڈنٹس انّوویٹیوکونسل(MECSICO)‘‘ کابروز سنیچر 15اکتوبر 2018کو کالج فنکشن ہال میں افتتاح ہوا۔
پروفیسر عبدالمقیت کی تلاوت قرآن سے پروگرام کا آغاز ہوا۔ اس کے بعد کونسل کے متعلق وڈیو کلپ نشر کی گئی ۔ کالج پرنسپال ڈاکٹر مشتاق احمد بھاوی کٹی نے استقبالیہ پیش کیا تو میکسیکو طلبا تنظیم کا محمد زیان دامد ا نے تعارف پیش کیا۔ ڈاکٹر اننت مورتی نے مہمانوں کا تعارف پیش کیا۔
مہمان خصوصی کےطورپر کے ایل پرکاش نے کونسل اور طلبا کی میکانیکل شعبہ میں ترقی کے متعلق روشنی ڈالی۔انجمن حامئی مسلمین بھٹکل کے صدر عبدالرحیم جوکاکو نے صدارتی کلمات پیش کئے۔ میکانیکل شعبہ کے صدر ڈاکٹر فضل الرحمن نے کلمات تشکر پیش کئے ۔ ا س موقع پر ڈائس پرانجمن کے جنرل سکریٹری صدیق اسماعیل ، کالج بورڈ سکریٹری ابوبکر قاسمجی ، ڈگری کالج بورڈ سکریٹری محمد محسن شاہ بندری وغیرہ موجود تھے۔