اروند کجریوال قومی کنوینر رہیں، میں بھی پارٹی میں رہوں گا، کمار وشواس نے پارٹی چھوڑنے کی خبروں کوبتایاغلط
نئی دہلی،29؍اپریل(ایس او نیوز؍آئی این ایس انڈیا) عام آدمی پارٹی کے سینئر لیڈر ڈاکٹر کمار وشواس کا کہنا ہے کہ پنجاب اور دہلی انتخابات میں پارٹی کے ہار کے لئے ای وی ایم کو ذمہ دارٹھہراناٹھیک نہیں۔ یہ خود سے منہ چرانے جیسا ہوگا۔ بات کرتے ہوئے انہوں نے کہاکہ ایم وی ا یم میں باریک گڑبڑیاں ہیں، یہ ہم نہیں بول رہے ہیں، یہ ہر طرف پکڑی گئی ہیں اور سب سیاسی پارٹیاں بول رہی ہیں لیکن یہ کہنا کہ ہم صرف ای ویایم سے ہار گئے یہ اپنے سے منہ چرانا ہوگا۔کمار وشواس نے کہا کہ ہم صرف ای وی ایم کی وجہ سے نہیں ہارے بلکہ خرابی ہم میں بھی ہے، کمار وشواس نے تفصیل سے پارٹی کے اندر کے مسائل پر بات چیت کرتے ہوئے کہا ہے کہ زمین میں منہ دینے سے صحرا میں طوفان ختم نہیں ہو جاتا۔ پارٹی کے کارکنان کو بہت دکھ ہوتا ہے جب ہم کچھ لوگ مل کر بات کرکے فیصلے کر لیتے ہیں اور کارکنان کو نوٹس میں بھی نہیں لیتے، کسی فیصلے پر وضاحت نہیں دیتے، خاموش ہو جاتے ہیں، یہ غلطیاں ہم سے گزشتہ دو سال میں ہوئی ہے اور ہم کو یہ سب ٹھیک کرناہوگا۔
کمار وشواس نے مسلسل بی جے پی میں جانے کی خبروں درمیان صاف کر دیا ہے کہ وہ عام آدمی پارٹی چھوڑ کر جانے کا سوچ بھی نہیں رہے ہیں۔ کمار نے کہا کہ میں کیوں پارٹی چھوڑ کر جاؤں گا؟ یہ پارٹی میری ہے اور یہ میرے گھر سے پارٹی بنی ہے اس لئے میرے کہیں جانے کا سوال ہی نہیں اٹھتا۔مسلسل انتخابات میں مل رہی ہار کے بعد بحث چلنے لگی ہے کہ کیا اروند کجریوال کو قومی کنوینر کا عہدہ چھوڑ کر دہلی حکومت پر توجہ دینا چاہئے۔ اس پر کمار نے کہا کہ اروندکو قومی کنوینر رہنا چاہئے، ان کی قیادت پر کسی کو کوئی شک نہیں ہے، ایسا نہیں ہوتا کہ ایک الیکشن ہار گئے تو آپ لیڈر تبدیل کر لیں گے، آج ہارے ہیں تو کل جیتے بھی تھے۔ویسے پارٹی میں سنجے سنگھ،آشیش تلوار، دلیپ پانڈے اور درگشاپاٹھک کے استعفی پر کمار وشواس نے کہا کہ استعفی دینے سے صورت حال نہیں بدلتی، کیونکہ آج یہ لوگ کچھ کر رہے ہیں تو کل یہ ہی لوگ کچھ اور کریں گے، اس سے کچھ نہیں بدلے گا، ضرورت ہے تنظیم، حکمت عملی، ڈائیلاگ میں تبدیلی کرنے کی جس سے ہم اپنے کارکن اور عوام کو وہی دکھائی دیں جو جنتر منتر سے بدعنوانی کے خلاف لڑنے چلے تھے۔