مہا گٹھ بندھن سے قبل مایاوتی کا عندیہ ، قابل اعزاز سیٹیں ملیں تبھی بنے گی بات: مایا وتی

Source: S.O. News Service | By Jafar Sadique Nooruddin | Published on 25th July 2018, 1:31 AM | ملکی خبریں | ان خبروں کو پڑھنا مت بھولئے |

نئی دہلی:24/جولائی(ایس او نیوز/آئی این ایس انڈیا)اتر پردیش کی سابق وزیر اعلی اور بہوجن سماج پارٹی کی سربراہ مایاوتی نے منگل کو موب لنچنگ کے معاملے پر مرکز کی نریندر مودی حکومت اور بھارتیہ جنتا پارٹی پر برستے ہوئے اچانک لوک سبھا انتخابات 2019 کا ذکر کیا اور کانگریس کو بھی وارننگ دے ڈالی۔موب لنچنگ کو لے کر بی جے پی کو مجرم بتانے کے ساتھ ساتھ مایاوتی نے عام انتخابات 2019 کا بھی ذکر کیا اور اپوزیشن اتحاد کے بارے میں بات کرتے ہوئے کہا کہ ان کی پارٹی اسی صورت میں مخلوط حکومت میں شامل ہوگی، جب انہیں لوک سبھاسیٹوں میں قابل تکریم سیٹیں دی جائیں گی ۔انہوں نے خبردار کیا کہ جو کانگریس لیڈر راجستھان، مدھیہ پردیش اور چھتیس گڑھ میں بی ایس پی سے اتحاد کو لے کر ردعمل کا اظہار کر رہے ہیں، انہیں یاد رکھنا چاہئے کہ ان پر بھی یوپی میں وہی شرائط نافذ ہوتی ہیں۔اس وقت دہلی میں موجود مایاوتی نے اس کے علاوہ کہا کہ موب لنچنگ مجرمانہ ذہنیت والے بی جے پی ارکان اور حامیوں کا کام ہے، لیکن وہ اسے حب الوطنی وطن سمجھتے ہیں۔ میں الور میں ہوئے انسانیت سوز واقعہ کی مذمت کرتی ہوں، لیکن مجھے یقین ہے کہ بی جے پی اس صورت میں مناسب کارروائی نہیں کر پائے گی میں کورٹ سے درخواست کرتی ہوں کہ وہ از خود مداخلت کرے۔مایاوتی نے صاف صاف کہا کہ موب لنچنگ کی واردات پر مرکزی حکومت کچھ نہیں کرے گی اور گؤ کشی کے نام پر انسانوں کی جان یوں ہی جاتی رہے گی۔انہوں نے الزام لگایا کہ BJP ملک کا ماحول بگاڑ رہی ہے اور کورٹ کو ایسے معاملات میں خود نوٹس لینا چاہئے۔ ان واردات کو لے کر مایاوتی نے کہا کہ بی جے پی کی نیت ،کردار اور چہرہ سامنے آ گیا ہے۔ 

ایک نظر اس پر بھی

جے پی سی سے جانچ کرانے کا راستہ ا بھی کھلا ہے، عام آدمی پارٹی نے کہا،عوام کی عدالت اورپارلیمنٹ میں جواب دیناہوگا،بدعنوانی کے الزام پرقائم

آپ کے راجیہ سبھا رکن سنجے سنگھ نے کہا ہے کہ رافیل معاملے میں جمعہ کو آئے سپریم کورٹ کے فیصلے کے باوجود متحدہ پارلیمانی کمیٹی (جے پی سی) سے اس معاملے کی جانچ پڑتال کرنے کا اراستہ اب بھی کھلا ہے۔

رافیل پر سپریم کورٹ کے فیصلے کے بعد ، راہل گاندھی معافی مانگیں: بی جے پی

فرانس سے 36 لڑاکا طیارے کی خریداری کے معاملے میں بدعنوانی کے الزامات پر سپریم کورٹ کی کلین چٹ ملنے کے بعد کانگریس پر نشانہ لگاتے ہوئے بی جے پی نے جمعہ کو کہا کہ کانگریس پارٹی اور اس کے چیئرمین راہل گاندھی ملک کو گمراہ کرنے کیلئے معافی مانگیں۔

بھٹکل کے مرڈیشور میں دو لوگوں پر حملے کی پولس تھانہ میں دو الگ الگ شکایتیں

تعلقہ کے مرڈیشور میں کل جمعرات کو  دو لوگوں پر حملہ اور پھر جوابی حملہ کے تعلق سے آج مرڈیشور تھانہ میں دو الگ الگ شکایتیں درج کی گئی ہیں اور پولس نے دونوں پارٹیوں کی شکایت درج کرتے ہوئے چھان بین شروع کردی ہے۔